Heufdmenu losdoon

Met muziekkorps wördt aait n koppel leu bedoold dee at muziek maakt en doarbie met n spesjaal pak of uniform an oawer stroate goat, of op n veeld nen show van verskeaidene vörme loopt. Det gebuurt meesttieds strak in t gelid, woerbie de muzikaantn op de moate van de muziek marsjeert. n Korps besteet aait oet slagwoarkers en bloazers.

Inhold

GeskiedenisseBewarken

Dit keump nog oet de tied det soldoatn van plek noar plek mosn loopn en doarbie tromn (en later flöaitn) dr bie hadn um de bene geliek te loatn goan. Slim tradisjonele korpsn heett doarumme nog aait Pieperkorpsn. Later beent hier kopperbloazers bie ekömn. Doaroet is toertieds de marsmuziek ontstoan. Rechtevoort hef t vanzelf weainig mear met soldoatn te maakn, mear t marsjeern en in t gelid loopn is aait t zelfde ebleewn, net as de päkke. Al beent dee bie sommige korpsn wal n luk moderniseerd.

De noadruk lig rechtevoort op t plezeer hebn in t muziek maakn en doarbie lid te wean van ne verenige, zo as aandern wellicht gearne bie ne voetbalverenige heurt. Ook kan t wean um de könnigheaid met muziek wat op te krikn.

SoortnBewarken

Dr beent verskilnde soortn muziekkorpsn. Det hef met de soortn instrumeantn te doon. Um n bepoald "steampel" te kriegn, mut n korps n antal soortn instrumeantn hebn. Duurdet t in Neerlaand vake neet zo nauw dr op an keump, löp t nog wal oetéén. Ook kan t wean det n korps (den at bievuurbeeld ne harmoniebezetting hef) zikzelf gearne op ne bepoalde maneere neump (biev. showfanfare), mear feailik de instrumeantn vuur den naamn neet hef, mear t toch offisjeel hef loatn registreern. Verskilnde soortn muziekkorpsn beent:

BoondnBewarken

Net as met aandere vereniges, beent meziekkorpsn vake an eslötn bie nen boond. In Neerlaand beent r neegne:

  • KNFM Koninklijke Nederlandse Federatie van Muziekverenigingen
  • CBMF Chr.Bond van Muziekverenigingen Friesland
  • LBM Limburgse Bond voor Muziekgezelschappen
  • UNISONO Nederlandse Instituut voor Blaasmuziek
  • CBSD Chr.Bond van Show- en Drumbands
  • EBBA European Brass Band Association
  • BOVOI Bond van Orkestdirigenten en Instructeurs
  • CBOW Chr.Bond voor Oost en West Nederland
  • Groningen/Drenthe Chr.Bond van muziekverenigingen voor Groningen en Drenthe [1]

Disse vaalt allemoal wier oonder ne umvatnde organisasie, de NFCM (Nederlandse Federatie van Christelijke Muziekbonden), den at zelf wier lid is van oonder mear de European Brass Band Association (Zwitserlaand) en de Union Européenne des Musiciens (Luuksnborg.

Disse boondn doot wedstriedn en taptoos op pootn zetn en hooldt zik oonder mear bezig met de regels, examen-eeskn en liestn van juryleedn, zodet iederene geliek beoordeelt wörd.

ReffereantiesBewarken