Nedersaksisch in een notendop, undertitel: Inleiding in de Nedersaksische taal en literatuur, is een populäär-weatenskappelik handbook oaver de neadersassiske taal. Et verskaen in 2019 by Van Gorcum under redakty van de taalkündigen Henk Bloemhoff, Philomène Bloemhoff-de Bruijn, Jan Nijen Twilhaar, Henk Nijkeuter en Harrie Scholtmeijer.

Et handbook verskaen in een tyd van toneamende erkenning en wardering vöär et neadersassisk as taal. Een jår vöär verskynen wordden et konvenant neadersassisk, vöär behold en bevordering van de taal, underteykend döär de neaderlandske ryksoaverheid en neadersassiske provinsiale oaverheiden.

Nåst een beskryving en bespreaking van disse en andere politike untwikkelings, geyt Nedersaksisch in een notendop vöäral in up de taalkündige aard van de verskillende regionale en plaatselike varianten van et neadersassisk. Y künnen ouk leasen oaver skryvwysen, woordeboken en andere boken, status en spreakersantallen, verandering van de taal, en neadersassiske veld- en persoonsnamen. Wyder is der een üütgebreided oaversicht van de neadersassiske literatuur in et oldsassisk, et middelsassisk, en de verskillende varianten van et moderne neadersassisk.

Nedersaksisch in een notendop is de populäär-weatenskappelike teagenhanger van et Handboek Nedersaksische Taal- en Letterkunde, dat meyr vöär specialisten bedoold is en in 2008 üütkwamd.

Nuvola apps ksig.png Dit artikel is skreaven in et stellingwarvsk, in de Nysassiske Skryvwyse.