Overleg:Algemene Nedersaksische Schriefwieze

Nou kump Ansien in de knel tussen - an de iene kaante - de deur de streektaalorganisaties edreugen regionaole schriefwiezes, en - an de aandere kaante - de Nysassyske Skryvwyse, die ja de mandielige schriefwieze veur de toekomst wil wezen.

Det mak 't bepaold niet antrekkelijk umme, allennig op de Nederlaands-Nedersaksische Wikipedia, ANS an te holden aj de NSS een brogge te varre viendt (en aj 'veur oen broodwinning' de Drèentse of nog een aandere schriefwieze scharp mut holden). 't Olde mèense, Ans, zit narrig veur heur uut te nostern. Ni'jluuseger (overleg) 00:38, 10 dec 2019 (CET)

Ja, sneu hein. Ik denke dat Ansien al wel een stuk beter is as al die losse schriefwiezes, waor van mien wel een end an mag koemen. As NSS luui te vere geet dan kan hier nog altied op terugevöllen wörden as baosis as wie de Saksische dialekten verenigen willen. Ze kunnen vaneigens oek teruggevallen op bv. de Drentse schriefwieze mar dan wark jie wel mee an et kleinhouwen van et Saksisch, went ja veerder kieken as de provinciegrens zit der dan niet in umdat ze dan een andere schriefwieze mutten anleren. Ansien slut gelukkig wel an bie de meeste schriefwiezes, dus et ligt der niet vere vanof. Ik gebruke Ansien trouwens nog wel naost de NSS (as ik wat leegdrumpeliger schrieven wil naor de plaotselike platvereniging bv.) umdat der officieel geen streektaalorganisasie is die een schriefwieze veur et Veluws uutedocht hef, zucht ... Servien (overleg) 01:17, 10 dec 2019 (CET)

Ik zol ok liever een aoveral gebruukte, mandielige schriefwieze zien, mar allennig de streektaalorganisaties mit menare zolden zuks kunnen klaoren. Det zie ik zo direct nog niet gebeuren, mar der is op Nedersaksisch gebied de leste tied wal meer onverwachts gebeurd. 't Bint interessante tieden.

Is de schriefwieze van de Iesselakkedemie niet bedoeld veur West-Aoveriessel zowal as de Veluwe?

Ni'jluuseger (overleg) 23:43, 10 dec 2019 (CET)

Aah kiek, der steet: NoordwestOverijssel, Salland en de Oost-Veluwe, allinnig de West-Veluwe dut bliekbaor nargens an mee ... Ik mag de Iesselakademieschriefwieze niet zo liejen, et rust te veule op et Nederlaands en fonetiek, zo schrieven ze meziek, mer de vervoeging is dan inene weer muzikaal, der steet in de schriefwieze <ää> (veur /æː/) mer op schrift gebruukt gienene et, et Zwols hef daor <ae>, terwiel dat dan weer veur de /ɛː/ steet, ik denke dan wat maakt et uut of jie noen /ɛː/ of /æː/ zegen, et uutspraakverschil is niet zo groot en hoe belangriek is et um weer te geven? Veur nauwkeurige weergave ku'j mooi IPA gebruken. Servien (overleg) 23:59, 10 dec 2019 (CET)

De schriefwieze van de Iesselakkedemie wördt sowieso mar deur een haandtienvol schrievers gebruukt, en niet van 't soort det hiele boeken schrif. 't Zwolse woordenboek is dèenk ik varreweg 't miest prestigieuze project waor de schriefwieze de leste jaoren veur gebruukt is. De Drèentse schriefwieze (die der niet zo stark van ofwik, want beidend bint, zoas ok de aandere regionaole schriefwiezes, op 't Nederlaands eënt) is van een hiel aandere allure, want wördt al haoste veertig jaor consequent deur een beste köppel schrievers gebruukt, zowal niet-literair as literair, en zowal in boeken as daorbuten.

Baovendien wördt e gebruukt deur 't Huus van de Taol, die der alle communicaties in pleg en der cursussen in gef, en is de schriefwieze deur de pervincie erkend. Meer nog, 't Huus *mut* hum gebruken as veurweerde umme subsidie te kriegen. Der bint boekpublicaties aover de schriefwieze, intied det die van de Iesselakkedemie in een pdf samenevat is en (geleuf ik) gien pervinciaole erkenning hef. As klap op de vuurpiele communiceert de Iesselakkedemie - oh zwaktebod - hoe dan ok in 't Nederlaands.

Mar wilt de Drèentstaligen heur muuizaam bevöchten schriefwieze inwisseln veur een neie, dan muj wal van hiele goeien huze komen.

Dit bint mar zo wat observaties.

Ni'jluuseger (overleg) 00:39, 11 dec 2019 (CET)