Overleg:Keet

Miskien mu-j dr n positieven dreei an geewn. Dèt keetn duur de jonge leu zelf ebouwd wörd, en det dit verantwoordelikheaidsgeveul leart, en materiaalköstn, en technies inzicht. Saamnwoarkn, duurzetn um t of te kriegn en dr neet met oet te skeaidn as t eawn neet geet... Zo kö-j dr n hoop van maakn. ;) Woolters 00:31, 13 jun 2008 (CEST)

Goed punt. Zet 't d'r mar röstig in zoas ie denkt det best is, dan pas ik de taal wal an. Ni'jluuseger 12:14, 14 jun 2008 (CEST)

Negatief bield?

Deur zokke tègenstriedige berichten blif 't bield det de lu hebt van keten nog aorig negatief.

Det weet ik niet. De media hebt 't aal oaver zoepparti'jen, mar de media kunt niet altied de waorheid naor heur haand zetten. Mien breurtien zat vake mit een köppel vrunden in de keet, en det weur deur de olders beskouwd as een diel van zien sociaole lèven.

Netuurlijk wusse wi'j det d'r niet weinig edronken weur (daor meuken wi'j de hieltied grappen oaver), mar det doet tieners sowieso; daor kreeg de keet niet de skuld van. De keet was in de eerste stee zien vrundenclub, niet 't gevaor det oe uut de kraante temute kump.

Hoe praot jongeren en olders in oen umgèving oaver keten, Woolters? Positief, negatief, beidend? Ni'jluuseger 12:07, 18 sep 2008 (CEST)

D'r was trouwens veur een jaor of twei veur RTL4 of zo een reportage oaver een keet op Ni'jlusen, daora'k mi'j niet veul van herinnere mar die volngs mi'j niet ienzi'jdig negatief was. Die keet stund of stiet op kwat-ofstaand van oens huus. ;-) Ni'jluuseger 12:21, 18 sep 2008 (CEST)

Bie oons beent de meaniges dr ook oawer verdeeld. Jongs bie mie oet de stroate hebt in n keelder n barretjen etimmerd. Hebt ze machtig skier edoan, mear ze zoept dr wal onmeundig völle. Det gef op zik niks (want det doo ik ook wal es :) ), mear ze bezorgt mangs midln in n nacht wal nen hoop oawerlast. Mear oawer t algemeen komt in zukke keetn allene mear bekeandn van de bezitters. t Is dus neet zo det zo mear jan en alleman dr effen binn geet en zik dan vol löt loopn. Op dee manere is dr ook toozich op mekoar. Vrömden magnt wal binn komn, mear vuur dee is t meestieds neet zo gezellig, umdet ze neet weett wat r zoal in de groep spölt, en vake ook ne aandere manere van ouwwoern hebt.
Vake kiekt de leu hier dr op met n "ach, det mut toch nen keer könn", en veendt det de jeugnd better oonder öar toozicht n pilsken dreenkt en t vreadig hoolt, as det ze oarns wied vort goat, klauwn met geeld noar nen vrömden diskotheek brengt, en vervolgens mekoar de köppe inhouwt. En met zonne deankwieze geet t ook good. Mear as de media t zo opblös en met kamera's keump um 'dee onbenullige zoepers oet t Oostn' es eawn te filmen, dan weelt de möage t wal es loatn zeen. En det 14-joarige jeunkn is éne op zovölle, woerbie at t mis gung. De aandere oawnde woerop t wal good gung heur iej neet oawer. Dr gebuurt gekkere dinge in de kafees en disko's as in de keetn
Vergeliekt t is met de zommervakaansie, as hordes jonge möage noar bv. Renesse trekt en zik doar kets van de planeet zoept. Doar geet t völle harter, umdet ze dr doar vuur hen goat.
En ik kan mie inderdaad det programma ook hereendern. Zo hadn ze oarns n keet vuur Meakns. Det is miskien ook wal de möaite van t neumn weard. Wellich kö'w det programma dr nog as oetgoande verbeendige bie doon, a'w ne wier köant veendn. Veend iej t antwoord lang genog? :) 85.146.197.120 17:49, 18 sep 2008 (CEST)

Ik hebbe zo gauw de reportage niet weerumme vunden, mar hebbe wal een interessant ketenportaol as uutgaonde verwiezing onder 't artikel ezet.

't Jongerenwark is mangs bi'j de keten betrökken, of wil det wèden, en det liekt mi'j wal goed. Zeker bèter as d'r bange veur wèden, want inderdaod, jongeren zoept sowieso wal, en in discotheken kan 't veule slimmer wèden. In de keet bi-j mit hechte vrunden, dus feilijk een hiel goede controle. (Bin ie wal ies in de megadiscotheek ZAK op Uelsen ewest? Ie ziet de lochtstraolen van wiedof.)

Ik kenne aans allennig de private keten van vriendencluppies, niet de keten die dus ok bestaot daoras ze de draank illegaal verkoopt. Ni'jluuseger 22:49, 18 sep 2008 (CEST)

Plaoties

Hef d'r nog iene plaoties van 't keetgebeuren? Ik hebbe indertied mien breur evraogd, mar die had verrassend genog niks bruukbaars. En as iene nog plaoties hef van een autorodeo, daor bin ik zölf ok nog achteran. Ni'jluuseger 18:07, 10 apr 2009 (CEST)

al dee jonge möage hebt rechtevoort ook vake ne webstea bie de keet (dus fotoos zat), mear dan mu'j wal den naamn van den keet weetn. Vuur joarn terugge hadn ze t Brommerhok in Eanter, mear volgens mie besteet doar de webstea nit mear van. Woolters 19:01, 10 apr 2009 (CEST)