Overleg:Rieksweg 28

Wat is better um neer te zetten? Openstellinggeschiedenisse of ipv open los? Grwen (overleg) 13:54, 4 jun 2020 (CEST)

Veur Tussen 1961 en 1986 is de snelweg open esteld kuj beveurbield ok schrieven: De snelweg is lös edaone tussen 1961 en 1986.

En veur Openstellingsgeschiedenisse: Datum waorop traject is lös edaone / Datum van ingebruukname van traject.

Ni'jluuseger (overleg) 17:57, 4 jun 2020 (CEST)

'k heb ze beide gebruukt👍🏻.Grwen (overleg) 18:09, 4 jun 2020 (CEST)

Wat mij nei döt: waorargens kooj weg, de stad zölf of 't veurmaolige karspel...? Ni'jluuseger (overleg) 18:32, 4 jun 2020 (CEST)

Uut Zwolle, määr niet de stad zelf määr ien van de dörpies die now diel uutmääkt van Zwolle zelf. De iene kaante van mien familie kwamp er wel van weg. Grwen (overleg) 18:47, 4 jun 2020 (CEST)

Ik uut Neilusen, mar det zal wal dudelijk wezen, al bin'k feilijk ok diels in Zwolle opegruuid. En daor zit ik now toevallig ok. Mooi det de regio hier wat vertegenwoordigd is! Ni'jluuseger (overleg) 20:03, 4 jun 2020 (CEST)

Jao ik vinne het ook altied wel mooi um te heuren dät er volk die vlak bie oe zit ganks is met wikipedia :p. Wier de vrogger dudelik meer dialect epraot als noe in Zwolle? Bie mie in de wiek heur ie et nog wel iens, määr ik heure toch veural meer mengtaal (regiolect) of Nederlaands met vri'j stärke invloeden uut et Nedersaksisch dan 'echt' dialect. En netuurlik allenig bie de oldere meansen, de jungs hebt miestal nog gien iens een accent. Jao, een westers accent, dät hebt ze. Grwen (overleg) 16:50, 5 jun 2020 (CEST)

Ik heb zelden in mien leven ooit Zwols eheurd. Op de middelbare schoele (jaoren 90) zol 't ondenkber ewest hebben um as jongern plat te praoten. Det wil niet zeggen det der gieniene was die det in huus mit de familie wal deu, mar daor mark ie niks van, want onder de vrunden zoj det nooit doen. Platpraoterije (deur boeren en bejaorden) steuken wij onder mekare ok de gek mit an. "Gammelegammelegammele," zee mien beste vrund as hij een Neilusense platpraoter imiteerde.

Mien opa en oma woonden in Berkum (de vörm Barkum he'k nog nooit eheurd) en veural mien oma gebruukte vake heur Stienwiekerlaands, mar det was dus gien Zwols. Ni'jluuseger (overleg) 18:04, 5 jun 2020 (CEST)

Ik hebbe wel iens Zwols eheurd. Määr väke? Nee, dät niet. Mien opa en oma zeiden Barkum/Bärkum. Et is die ä klank die tussen de èè en a lig, määr toch et klinkt toch wier aans as in stärt of s'märrens. Et neigt meer naor de èè. Een Zwollenaer hek wel iens Bärkum heuren zeggen, toen klunk et als beahhkum. Niet als een lange e as in Berkum, toch wier iets meer naor de ä. Jao het blif wel lastig😂.

Veurig jaor hadden wie op de schoele dät oonze twie Nederlaands docenten (schoelmeisters) een diel van iets in het Tweants veurlazen. In de iene klasse vrog dr iemaand of et Fries was... Dan deank ik, mien ie dit? Bie oons in de klasse vunden ze et volgens mie wel mooi, määr ik hebbe niks eheurd. T was ook niet een klasse met praoterds, dät wel. Ik deank dej op de Gruune Welle en Talentstad nog wel die 'stereotypes' hebt (bouwluu, 'zoepvolk' um het zo noe even te nuumen) die wat plat praot. Op mien schoele heur ie et nauweliks, kan er ook wel wat met te maken hebben dät Zwolle qua schoelen meer op de Noord-Veluwe ericht is dan op et oosten en noorden. Boavendien wördt de Veluwe niet met plat associeert. Dät begunt pas achter de Iessel (of veur de Iessel😉) en achter Zwolle en Kampen. Noe mut ik wel zeggen, de miesten hebt echt wel grofva's en grofmoe's die plat hebt epraot/kunt praoten. Ook die die van de Veluwe weg komt. Ook een bulte niet heur, Zwolle hef een bulte impört (of in goed Zwols impöört) Plat blif echter wel iets dät met Tweante associeert wördt. Grwen (overleg) 21:29, 5 jun 2020 (CEST)

Muw nog wat doen met de functie heugleraar Groningse/Nedersaksische taal en cultuur? Martijn Wieling is nämelik benuumd töt heugleraar dr van.Grwen (overleg) 21:37, 5 jun 2020 (CEST)

't Verbaost mij niks as veul jongern uut Aoveriessel en Gelderlaand 't verschil tussen Twèents en Fries niet herkent. Ik bin nog van een ginneratie (de kiender van de babyboomers) waor de olders gien plat meer mit praotten, mar die 't toch nog wal vake opvöng (beveurbield via de grootolders). De mieste kiender tegenwoordig, stel ik mij veur, kunt de olders ok gien plat meer van, en steeds vaker ok de grootolders niet. Aj dan ok nog in de stad woont, heur ie 't zelden of nooit. Ik dèenke niet det veul basisschoelkiender in Zwolle weet van 't bestaon van streektaal.

An de positieve kaante is de wardering veur 't Nedersaksisch in de 21ste ieuw toch wal slim toe-eneumen. Det hef ok mit identiteit te maken, vandaor det 't bekend wörden van 't begrip 'Nedersaksisch' zo'n belangrieke factor is. En 't internet.

Bedoel ie een artikel aover Martijn Wieling? Ik hold oe niet tegen! Ni'jluuseger (overleg) 22:33, 5 jun 2020 (CEST)

Jao dät hej wel ja. De miesten bint kinder van olders uut de laow zeggen de jaoren zeumtig (oe ginneraosie) en later. Die bint al een ginneraosie wieder van niet plat praoten, määr hebt et nog wel met ekregen van de olders. Daor zit toch nog wel wat tussen die plat kunt praoten (Deank an Bökkers), määr ook een bulte niet. Noe hej dät de sommige grootolders van de jungs noe al gien plat meer praot. Määr ook een bulte regiolect en vernederlaandsing. Beveurbield wieder->värder, slim->ärg/erg, een bulte->völle, vernemmen->merken/märken. Dät soort dings ie kent ze wel.

Ik ken nog wel wat vrenden van mie waorvan de olders plat praot tegen mekare of ien van de olders (zelfde situasie as mie, wel wat metkriegen määr niet praoten) en/of de grootolders plat praot. Zeker degene waorvan minstens iene older plat praot kriej nog wel wat met. Määr ik vernemme wel an miezelf dät van waj nog weet veural naor een tussentääl neigt. Ik heb nog vri'j völle mutten kieken, luusteren en leazen naor disse wikipedia, geluudsfragmenten, tv series, etc um töt rejelik Sallaans te kommem ipv een tussentääl. Umdät ie niet alle bepaolde uutdrukkings kent en woorden enzo hek de neiging um allns letterlik te umme te zetten vanuut et Nederlaands. Määr goed, wie komt dr wel, ik blieve gewoon deurgaon met leren. Herman Finkers hef het ja ook met zelfstudie edaone. Jao, dr bint wel wat meansen van op de heugte van die erkenning määr dät minderweerdigheids gevuul leaft echt nog steeds vernemme ik. Ik begriepe wel dät dät niet in een jaor of twie veraandert, määr toch. Ik märk et an mien opa veural. Toch een bettien terugholdend aj oaver dialect begint. Oaverigens hej zeker in Tweante nog meansen (luu) die Tweants praot en die zo van mien leaftied bint. Daor kan nog wel iens nije anwas in zitten, en ze bint toch wel interesseert in de verwantschop met et Nedersaksisch in Duutsland (en NSS). Laow eerst määr is hoppen of de sprekkersantallen stabiele blieft. Ik ben wel beni'jd. An de iene kaante bin ik niet somber, määr toch ook weer wel...

En ja ik mienden zowal een ärtikel oaver Martijn Wieling as de functie heugleraar Grunnegse/Nedersakische taal en cultuur. Iens kieken wak kan vinden.

Grwen (overleg) 23:05, 5 jun 2020 (CEST)

Grwen, misschien vertel ik oe niks neis, mar der is iene op Facebook die riegelmaotig Zwols schrif. Ie kunt zien blad vienden onder de name Mien eigen stekkien. Aj bij de groep Nedersaksisch/plattdüütsch bint, ziej zien stokkies eurbijkomen. Ni'jluuseger (overleg) 11:25, 7 jun 2020 (CEST)

Die ha-k nog niet ezeen, bedankt veur het dielen, zal er is eaven naor kieken.Grwen (overleg) 17:06, 7 jun 2020 (CEST)