Overleg:Waols
Laatste reactie: 13 jaar geleden door Droadnaegel in het onderwerp Amerika
Waols en Nedersaksisch
bewark't Is markweerdig hoe parallel de Waolse taalsituatie was en is an de Nedersaksische en Platduutse, al vanof de oldste tieden:
- wat bestuurlijk schriftelijk gebruuk vanof de hoge/late middeleeuwen;
- de opkumst van de klucht in de vrogmederne tied as de streektaal töt een verzameling boerendialecten is terogge drungen en niet 'netties' meer is;
- algemien gebruuk deur 't volk töt begun 20e eeuw - 't volk hef passieve kennis van de standerdtaal;
- een ginneraotiekloof - now nog mar barre weinig jonge sprèkers;
- streektaalteniel, schrieverskringen en spellingshervörmings en -onienigheid;
- algemien weinig kennis onder de bevolking van hoe of 't zit mit heur eigen taal (verwaantschop, verholding töt de standerdtaal ezw.);
- een regionaole umroep die toch nog veural de spreekbuus is veur de standerdtaal, wat trouwens raor is veur oeze umroepen, die bevochten bint deur regionaolisten die ok wies waren mit de streektaal.
Ik kriege wal de indrok det de mederne Waolse literetuur eerder is op-ekomen (bv. 18e-eeuws Luuks theater) as de Platduutse (de 19e-eeuwse romanciers) en de Nedersaksische (de 19e-eeuwse almenakken).
Ok he'k de indrok det d'r vandage de dag meer Waolse publicaties bint as Nedersaksische; daor stiet tègenoaver det 't Nedersaksisch goed scoort mit de meziek en de zieperiege.
Amerika
bewarkErik,
I-j dreajt em weerumme, moar Wisconsin ligt toch echt in Amerika. Dus of et artikel klopt noo neet, of de weerumdreajing was neet terecht. Droadnaegel 21:05, 19 feb 2011 (CET)
- t Artikel klopt weal, moar woals proaten is neet kenmerkend veur luu in Amerika, en in Amerika wonen is neet kenmerkend veur luu dee Woals proat. Ok Kattegerie:Verenigde Stoatn van Amerika zol ik te wied vinden (en magwean vorthalen), Kattegerie:Wisconsin (nog rood) zol ik neet toevoegen, moar ok neet vorthalen. --Erik Warmelink 01:44, 20 feb 2011 (CET)
- OK, kan'k met leaven, dan loa'w et stoan zoas et noo is, totda'w ne kattegerie:sproake in Wisconsin o.i.d. hebt. Droadnaegel 15:50, 20 feb 2011 (CET)