Piramides van Giza

De piramides van Giza binnen drij grote piramides in Egypte. Zai stoan bie t vrougere Giza, n loug bie t historische heufdstad Memphis, dat nou n dail is van Kairo. De piramides stoan op n plato van zaandstain, woar de piramides zulf ook uut môkt binnen. De piramides van Giza binnen baauwt tuzzen 2551 en 2472 joaren veur Kristus. Der ston toun n hail komplex van gangen en muren om de mìnsken noar de piramides te leiden en om t grafrover stoer te môken.

Memphis en zien Necropolis de piramide vèlden van Giza tot Dahshur tou
UNESCO Wereldaarfgoudstee
Sphinx vann Giza 't Gizaplateau mit de piramide van Khefren rechts, dij van Mycerinus links en de sfinx op de veurgrond
Piramides van Giza
Type	Kultureel
Regioon	Aroabische landen
Laand	Egypte
Joar	1979
Piramides van Giza
Volgnummer 86

Der stoan in totoal 3 grote piramides:

• Piramide van Kheops (Grootste piramide van Egypte)
• Piramide van Khefren (Twaide grootste piramide van Egypte)
• Piramide Mycerinus

Doarnoast stoan der nog 6 klaine piramides. De 9 piramides worden in heur gehail beschaarmd deur de Sfinx van Giza. Over de oorsprong van de piramides is nait veul bekend. De maist aannomen theorie is dat de piramides baauwd binnen as graftombes veur faraos, vandoar de noamen "piramide van ...". Zai zollen den baauwd wezen deur miljoenen sloaven dij stainen droagen zollen. Volgens de inschrievens binnen de piramides baauwd ien n periode van 20 joar. Doarom hebben summege luu ook wel twiefels bie t feit dat t deur sloaven baauwd is, den dat zol betaikenen dat elke stain oethakt en op zien stee lègd worden zol, elke 9 sekonde.

Ien de lèste joaren is der aal meer opgroaven om en bie de piramides en man het nou n hail komplex van steden en lutje groaven van waarkers en priesters vonden. Oorspronkelk was allend de piramide van Kheops onderbrocht as wereldaarfgoud, môr deur aal nije vondsten het de UNESCO der veur kozen om t haile gebied van groaven, piramides en de sfinx soamen tou erkennen as wereldaarfgoud.