Plaanken

Plaanken (van t Engelse planking), mangs ook wal The Lying Down Game enuumd (t platligspel) is ne rage woerbie luu zik op ongebroekelike pleatse plat op n boek legnt met de aarme strak langs t lief (as of ze in de hoolding stoat, mer dan vlak), en zik doarbie loatt fotograferen. De fotoos wordt dan op sosjale netwaarke zat. t Is ne wearldwiede rage wat is oawerweaid oet Australië.

Plaanker

Oorsproonk

Plaanken is begunnen in Australië in 2009. t Wör nog neet zovölle doan, tötdet t wearldwied andacht kreeg duurdet n 20-joarigen Acton Beale van zuuwn hoge te pletter völ noa at hei wol plaanken op de ballustrade van n balkon. Der besteet ne offisjelle facebook-ziede vuur plaankers, dee at op t ogenblik van skriewen al van 233.767 noar 233.824 leedn is egoan.

Waarkwieze

Een persoon geet op ne ongebroekelike plek (leewst openbaar, zo as op stasjons, träppe, staandbeelde en op de stroate) zoonder ankondiging vuurof vlak op n boek lign en hoold doarbie de aarme strak langs t lief. Vrienden van de plaanker maakt der dan nen foto van en zett den op t internet.

Gevoar

t Plaanken kan gevoarlik wean, umdet fotoos van plaanken op gevoarlike plekke heuger weardeert wordt. Dit zet völle luu an um tevölle risiko te nemmen. Dit hef der al tau leadt det op 15 mei 2011 t eerste deudelike plaankslachtoffer is evöllen.

Neersassies

• Grönnegs: bredjern
• Tweants:
  • plaankn
  • laankoetlign

Oetgoande koppelings

• NOS: 'Planking' waait over naar Nederland
• NU.nl: Planking-rage in Australië eist leven
• Rtl: Gevaarlijke Facebook-rage: planking

Commons: Plaanken - plaatjes, filmkes en/of gelüüdsbestanden.

Dit artikel is eskreewn in t Eanters