Reigers
De reigers (Ardeidae) bint n familie van vogels uut de orde van de pelikaanachtigen. De familie bestiet uut 67 soorten[1]. De reigersoort die in Nederland t meest veurkömp is de blauwe reiger. Ok de grote zilverreiger, kleine zilverreiger, purperreiger, roerdompe, kleine roerdompe en nachtreiger (of: kwak) kommen in Nederland veur; de grune reiger wordt soms as dwaolgast ezien. De reiger is n bescharmde diersoort.
Voeding bewark
Reigers bint karnivoren (oftewel: vleisaeters) ze aet veural vissen, amfibieën (waoronder kikkers), weekdieren, kreeftachtigen en insekten, mar ok kleine zoogdieren, vogeleier en reptielen. Soms gaot der vogels ter grootte van n waterralle naor binnen. Van de vissen bint voorns, goldvissen, en kleine koikarpers vake arg geliefd bie reigers. Swinters as vievers en plassen dichtevriezen, zal de reiger toch proberen um open plassen te bereiken. Reigers staot vake stokstief te wachten töt ze toeslaon kunt.
Aoverlast bewark
Mensen mit n viever in de hof kunt nog wel es last hebben van reigers. Reigers wachten meestal heur kans of. Vake slaot ze heur slag bie t eerste ochtendlicht, zodat ze ongestoord an heur aeten kommen kunt. Komplete vievers mit goldvissen die laegevist bint komp niet vake veur, mar um der wisse van te waen dat dat niet gebeurt ku'j t mar baeter bescharmen. t Plaatsen van n net aover n viever, of t gebruken van n vieveralarm, bint manieren um te veurkommen dat n viever laegevist wordt.
Taxonomie bewark
Volgorde van geslachten die töt de reigerfamilie beheurt volgens de IOC World Bird List[2]
- Geslacht Zonerodius (1 soort: Niej-Guinese tiegerroerdompe)
- Geslacht Tigriornis (1 soort: Afrikaanse tiegerroerdompe)
- Geslacht Tigrisoma (3 soorten tiegerroerdompen)
- Geslacht Agamia (1 soort: agamireiger)
- Geslacht Cochlearius (1 soort: schuutbekreiger)
- Geslacht Zebrilus (1 soort: zigzagreiger)
- Geslacht Botaurus (4 soorten roerdompen, waoronder de gewone roerdompe)
- Geslacht Ixobrychus (7 soorten woudaapjes, waaronder de kleine roerdompe)
- Geslacht Dupetor (1 soort: zwart roerdompe)
- Geslacht Gorsachius (4 soorten nachtreigers)
- Geslacht Nycticorax (2 soorten nachtreigers, waoronder de gewone nachtreiger (of: gewone kwak)
- Geslacht Nyctanassa (1 soort: geelkroonreiger)
- Geslacht Butorides (3 soorten kleine reigers waoronder de mangrovereiger)
- Geslacht Ardeola (6 soorten ralreigers waoronder de gewone ralreiger)
- Geslacht Bubulcus (2 soorten koereigers)
- Geslacht Ardea (13 soorten reigers waoronder de blauwe reiger)
- Geslacht Pilherodius (1 soort: kapreiger)
- Geslacht Syrigma (1 soort: fluitreiger)
- Geslacht Egretta (13 soorten zilverreigers, waoronder de grote zilverreiger)
Referensies bewark
- ↑ F. Gill, M. Wright & D. Donsker (2010) - IOC World Bird Names (versie 2.6)
- ↑ F. Gill, M. Wright & D. Donsker (2013) - IOC World Bird Names (versie 3.3)
|
Dit artikel is eskreaven in et oustveluwske dialekt van Heerde, in de Algemene Nedersaksiese Schriefwieze. |