Ruben Koman

Ruben A. Koman (Dordrecht, 1979) is een Nederlaandse etnoloog die hum richt op de vertelcultuur in Nederlaand. Vanof 2006 is hi'j projectleider volksverhalen bi'j 't Meertens Insituut.

Koman studeerden in 2002 of in Den Haag op informatiedienstverliening en -management. In 2005 verscheen zien eerste boek, Bèèh...! Groot Dordts volksverhalenboek. Naor anleidige daorvan hebt ze een jaor later de vaste tentoonstelling Bèèh...! Groot Dordts volksverhalencafé lös edaone in 't Dordtse café De Reiziger.

In 2006 kwaamp zien Dordtse volksverhalenkaart uut, evolgd deur Dalfser Muggen: volksverhalen uit een Overijsselse gemeente, daorin vertellegies verzameld bint uut de plaatsen in de gemiente Dalsen. Ok in 2006 wördden hi'j projectleider volksverhalen bi'j de ofdieling DOC Volksverhaal i.o. van 't Meertens Instituut. In 't eerste jaor van zien anstelling hef hi'j onder meer veldwark edaone in Grunnen en Noord-Braobaant.

Koman is mit-oprichter en vice-veurzitter van Stichting Vertelcultuur, daorin maotschoppelijke parti'jen op 't gebied van vertelcultuur in Nederlaand in de maande warkt. Hi'j is ok redacteur van 't blad Vertel eens en was gastredacteur van 't Dagblad van het Noorden.

Bibliografie

Bèèh...! Groot Dordts volksverhalenboek: een speurtocht naar volksverhalen, bijnamen, volksgeloof, mondelinge overlevering en vertelcultuur in Dordrecht. Profiel, Beem (2005)
Dalfser Muggen, volksverhalen uit een Overijsselse gemeente: mondelinge overlevering, volksgeloof en vertelcultuur in Dalfsen, Hoonhorst, Lemelerveld, Nieuwleusen, Oudleusen e.o.. Profiel, Beem (2006)
Wonderbaarlijk Dordrecht: middeleeuwse mirakelen en wonderverhalen van nu. De Stroombaan en Gemiente Dordrecht, Alblasserdam (2007)
Ellert en Brammert: een reuzenclaim van een 'Drents' roversverhaal. Profiel, Beem (2008)
Mit T. Meder en G.W.J. Rooijakkers: Canon met de kleine c: 50 verhalen en liederen bij de Canon van Nederland. Profiel, Beem (2008)
Mit W. de Blécourt, J. van der Kooi en T. Meder: Verhalen van stad en streek: sagen en legenden in Nederland. Bert Bakker/Prometheus, Amsterdam (2010)
De vrolijke avonturen van Bartje Poep. Profiel, Beem (2011)

Bron

Mitwarkersbladziede van Ruben Koman op de webstee van 't Meertens Instituut

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.