Saksenros

't Saksenros, Saksenpeerd, Witte Peerd, (Engels: White Horse of Kent, Saxon Steed, Duuts: Sachsenross) is 'n heraldisch motief vaan meestal 'n staigerend wit en soms zwart peerd dat veural bie de continentoale Saksen moar ook bie de Angel-Saksen veur komt.

't Saksenros (3 moal) op 't woapen van de olde Prusiese provincie Hannover.

In t woapen van Twìnte, t woapen van Leegsaksen, Wesfelen en de heraldiek van veule aandere Saksische gebieden, zölfs in't logo van baandefebriek Continental, is n staigerend peerd zichtboar. t Verhoal gaait dat de Saksische vorst Widukind veur zien kirstenen aait op n swaart peerd zat. As belonen veur zien bekeern kreeg hai van Koarel de Grode n wit peerd.

D'r bun ook oale sages vaan 'n wit peerd dat ezeen wurd veurdat d'r aarge dingen zoas oorlog en aandere ellende gebeuren sol, zo woaren d'r bie Ogeveine umtrent 1940 nog vienarbeiders die 'm ezeene hebt kort veur 't begin van de oorlog. Moar ook tot ien 't oosten vaan Leegsaksen kent ze sages zoas "Det witte Peerd bi Woosmer", doar wurd ook mermoals 'n wit peerd ezene ien't veen. Verkloarings bunt dat 't mit de Walkuren/witte wieven te moaken hef as die ok reden op witte peerden. Moar ok vrogger kaam Wittekind op zien peerd laangs de dorpen om leu op te hoalen um te kommen metvechten.

t Swaarte peerd is nog aait te zain ien t woapen van de regio Herford ien Noordrhain-Westfele. t Widde peerd is, zo as al eerder vermèld, te zain ien t woapen van de dailstoaten Noordrhain-Westfele en Leegsaksen, ien de regio Verden ien Leegsaksen, ien t woapen van t Engelse greefschop Kent en ien t woapen en de vlaag van Twìnte.

n Aander theorie is dat t Sleipnir, t peerd van Woden is, de belaangriekste god van de maiste Germoanse stammen. Van dit peerd zol ook t witte peerd van Sunterkloas ôfstammen.

Ook bun d'r op veul oale (Saksische) boerderij'n gieveltekens te vin'n mit 2 peerdekoppen, in Tweante moar ook tot in Mekelnborg-Vörpommern. Die peerdekoppen vind men ook weer ien 't dorpswoapen vaan 't Leegsaksische Weste, moar ook in 't logo van de Raiffeisen baank. In sommige sages zegt de leu dat 't Hengis en Horsa bunt, de Saksen die as Engelaand erovert hebt. Moar 't kan ook 'n mythologische eursprong hebb'n.

Commons: Saksenros - plaatjes, filmkes en/of gelüüdsbestanden.