Sarkasme

literäre technik en stylfiguur

Sarkasme is ne literäre technik en stylfiguur wårby as nen karaktertrek, handeling of uutspråke van ymand belachelik wördt emaked. Vake is dat vöär den humor, mangs ouk üm ne bepålde politike gedachte te benådrükken. Vöär sarkasme kan mangs teagenstelling bruked worden, al hoovt et nit per se ironisk te weasen.

Sarkasme wördt et düdelikst in en uutespröäken form. Et hangt slim af van de situaty en et wördt ekenmarked döär en afwykend stemgebruuk van denne wat de sarkastiske upmarking maket.

Woordherkumst bewark

Et kümt uut et greeksk σαρκασμός (sarkasmós) wat weader afleided is van σαρκάζειν (sarkázein) wat "vleisk afryten, up de lippe byten van helligheid, sneyren".

Up et online engelske wöördebook steyt et (oaversat) as volgt ümskreaven:

Sarkasme belachet of bespottet up harde wyse, vake unverfynd en med minachting, üm nen ander af te breaken. Et kan indirekt bruked worden en ironisk in form weasen, sou as 'Wat sin y toch uuteandelik nen geweldigen musikant ewörden!', 'Et is as of y nu en totaal ander menske sint...' en 'Oh... Nun, bedankt vöär alle eyrste hülpe van de afelöypene jåren!'. Et kan ouk as direkte verklåring gebruked worden: 'Y solden noch gin enkel stükke korrekt künnen spöllen, al had y twey assistenten.' Et sarkasme sit em in et spröäkene woord en utet sik in den toun van de stemme.[1]

Underskeid med irony bewark

Volgens John Haiman ligget "sarkasme en irony [...] slim kort by mekander. Vöäral literäre theoristen seet sarkasme as de minst untwikkelde en minst interessante förm van irony." Ouk skrivt hee:

As eyrste künnet situatys ironisk weasen, mär alleyne lüde künnet sarkastisk weasen. As tweyde künnet lüde sunder der arg in te hebben ironisk weasen, mär sarkasme wördt altyd med de wil gebruked. Essentieel vöär sarkasme is dat et oaverdüdelik ekspres ebrukede irony is üm med wöörde te stekken.[2]

In psychology bewark

Psychologen kyket vake dale up sarkasme.[3][4] See meynet dat sarkasme ne slechte ümgangsstrategy is vöär lüde med unupelösde helligheid en frustratys. Den psycholoog Clifford N. Lazarus beskrivt sarkasme as "vyandigheid vermumd as humor". Al kan sarkasme en gesprek mangs wat upböären, Lazarus meynet dat den emotionelen toun van en gesprek oaverstemd kan worden as der tevöäle sarkasme bruked wördt.[5]

Begrypen bewark

Üm sarkasme te begrypen müt verskillende deylen van de harsens samenwarken, med name in de rechter parahippokampale gyrus, blikt uut MRI-undersöök. Sarkasme is lastig te begrypen vöär lüde med summige förme van harsenbeskadigingen, dementy en mangs autisme. Uut undersöök blikt dat lüde med skade in de prefrontale kortex moide hebbet med begrypen van neet-verbale språkaspekten sou as toun. Dat seade Richard Delmonico, nen neuropsycholoog van de University of California, Davis.[6]

In meyrere kulturen rund de wearld wördt sarkasme neet waerdeerd of selvs begreapen. In en vöärstel vöär online etiquette, de RFC 1855, wördt adviseerd üm sarkasme weg te låten. Ouk nen beroopsoaversetter adviseerden in en stükke vöär internationale sakenlüde üm "döär mekander sarkasme heylemål te vermyden in interkulturele sakelike uutwesselingen and skreavene kommunikaty", ümdat sarkasme sik moilik löt ümmesetten.[7]

Skreaven sarkasme bewark

Ouk in skreavene stükke kan de sarkastiske bedoling misverstån worden, ümdat dårin den toun van den skryver neet te höyren is. Der is noch altyd gin algemeyn annöämene wyse üm in en stükke tekst düdelik te maken dat et sarkastisk bedoold was. Seyd de uutvinding van de bookdrükkerye is verskeidene målen en horisontaal ümmedraid vrågteyken vöäresteld (⸮), mär dat haalden nooit an. Up internet wördt mangs de XML-tag </sarcasm> gebruked, mangs ouk ofkörted töt /sarcasm of selvs /s. Meysttyds wördt dit pas nå et sarkastisk bedoolde stükke tekst esat, sou dat de grap an et ende kümt.

  1. dictionary.com. "Irony". Bekeaken up 27 määrt 2021.
  2. Haiman, John. "Talk is cheap : sarcasm, alienation, and the evolution of language. Oxford University Press. ISBN 978-0-19-511524-6.
  3. Briggs, Thomas H. (1928) "Sarcasm". The School Review Vol. 36, No. 9 (Nov., 1928), pp. 685-695
  4. Cason, H. (1930) Methods of preventing and eliminating annoyances. The Journal of Abnormal and Social Psychology, Vol 25(1), Apr 1930, 40-48.
  5. Lazarus, Clifford N. "Think Sarcasm is Funny? Think Again: Sarcasm is really just hostility disguised as humor" Psychology Today, 26 juni 2012; bekeaken up 15 Oct 2016
  6. New Scientist. "Understanding Sarcasm is a Complex Business". Singer, Emily. 23 May 2005. 3 oktober 2012.
  7. Deseret News. "International Business: Sarcasm is never lost in translation: yeah, right!"Wooten, Adam. September 9, 2011. Bekeaken up 10 November 2012.