Skeeldkoarke

De Skeeldkoarke (ook wal de Grote Koarke of kortweg n Grootn) eneumd, is ne protestaantse koarke in t Tweantse Riesn. n Naamn skeeld keump van t plein woer de koarke steet: n skeeld). t Gebouw löp in de leankte van west noar oost, met ne lechte ofwiekige van 3° noar t noordn.

n Grootn, dr op ezat vanof de zuudkaante (welle: www.hervormdrijssen.nl)

Geskiedenisse

Teegn t eande van t 8ste joarhonderd bouwdn Lebuïnus ne koarke op denzelfden stean Vuurdet de reformasie köm, was de koarke too ewiedt an Dyonisius. Later wör hier ne gröttere koarke vuur in de plaatse bouwd. Toewmoals heetn t dus de Dyonisiuskoarke. Al in 1188 wörd de parrochia Risnen in de beuke neumd. Van de euldere geskiedenisse is neet völ bekeand. n Grootn was toertieds de moderkoarke vuur Hooltn en Wierdn. In 1275 wör t plebanus van Riesn eneumd. t Beheurdn tot t kapittel en skolastikus van Maria Maior, dus de Mariakoarke (Utrecht). In de koarke was t altoar van t Helige Kruus, en t altoar too ewiedt an Oonze Leve Vrouwe en Jehannes n Evangelist, woer t offisie doan wör. Zo um 1200 beskreef n monnik Caesarius Heisterbach in zinn Dialogus Miraculorum oawer n merakel in Riesn.
Noa n oawergaank tot de Protestaantse koarke (1598) steun t oonder de Classis in Deawnter.