Sloot (water)

Nen sloot of Graven is nen watergäng op plaetse woar reagenwater samenstreumt, zodat et gezamenlek kan wödden of-evoerd um wateroaverlast te veurkommen. Nen sloot is n underdeel van et waterhuusholdkundege totaal van unroerende veurzeningen. Het deur graven of-evoerde water wöd argens anders weg-epompt. Et is belangriek dat de streuming van et water neet belemmerd wöd. Hierveur wodt sloten bi-j den schouw in de gaten eholden.

Nen good schoon-eholden sloot.

Plantengreuj in nen sloot, mit rechts pielkruud.

Sloten kö-j vinden op hoog-eleagen (laandbouw)groanden zowal as in polders, of längs peade en weage. Sloten künt vri-j smal wean, of völle meters breed. Nen ondepen waterofvoer wödt mangs nen graven eneumd. Et waterpeil in sloten in polders wöd mangs zo leage eholden dat neet alleneg reagenwater, moar ok n deel van et groandwater van anliggende wiezegroanden doarhen streumt. Hoo leager et waterpeil in de sloten in zo'n poldergebeed (= et polderpeil), hoo meer groandwater doar wöd weg-etrokken uut et noastliggende wiezegebeed. In veanwiezegebeeden guf n laeg polderpeil et veurdeel dat den groand minder zompeg en makkeleker betreadboar en beriedboar is, dus toogänkeleker veur vee en veur laandbouwwarktugen. Moar et veane dat boaven den groandwaterspegel uutkump, geet deur inwarking van de loch langzoam verteren. Et laandoppervlak daalt doardeur. En noa verlöppe van joaren mot sloten wödden verdeept en et polderpeil verlaegd wödden um hetzelfde gevolg te kriegen.

In nen sloot dee neet mangs leag-eruumd (geslat) wödt van plantengrooj, künt belangwekkende plantengemeenschoppen ontstoan, zoas op bi-jgoande ofbeelding.

Sloten hebt nen tweeden taak: et verdealen van laand in of-edeelde stukke laand. Ok deent völle sloten as drinkwaterverzameling veur et vee dat op de umrengende wiezen steet (veedrenking). Et water wödt dan mangs op-epompt deur ne slange dee in den sloot ligt, deur ne pompe dee wöd an-edreaven deur de snoete van n döstig dier.

Sport

• Sloten in de previnsie Freesland wodt ebruukt veur et oefenen van den sport fierljeppen (ok bekend as polsstokwietspringen). Hierbi-j wödt nen polsstok ebruukt um oaver sloten te springen.
• In de previnsie Zuud-Hollaand wöd joarleks nen drekrees eholden, nen wedstried oaver n pad óaver wiezen en veural deur sloten.

Nedersaksisch

• Grunnegs:
  • sloot, graft
  • geut(-ke/-je) (lutje graft)

Uutgoande verwiezing

• Den Seesinksloot in den Geldersen Achterhook.