Sneb

Een sneb is een de bek van een voegel. Dieren mit een sneb gebruken 't neet allinnig um te eten mar oek veur verzörging, 't verplaosen van spul, 't verscheuren van 't eten en 't voeren van der jong.

De sneb van een brune valk

De sneb van een aosgier

De sneb van een pinguïn

De vorm van de sneb leit an 't soort voedsel dat ie eet, as een voegel vis eet is zien sneb weer aarst as bie een voegel die zaojen eet, mit are woorden zien sneb is an-epast an 't soort eten dat ie binnenkriegt.

De sneb van een voegel bestaot uut een hoornachtig lage keretine dat rhamphotheca eneumd wort en is in de evelusie van voegels de vervanger eworren van kaken en tanden. Tanden bin aorig zwaor en a-j vliegen moen ku-j dat niet goed gebruken, voegels bin daorum oek zo licht meugelijk ebouwd. In de sneb zitten twee gaotjes, dit bin as 't waore de neusgatten.

Oek dieren zoas pinguïns en voegelbekdieren hen een sneb.

Vorm

Een vergelieking van verschillende voegelsnebben, erangschikt op de anpassing an de voedingsgewoentes. De grootte van de voegels is niet op schaol. A – Nectar-eter (Hoeningzuger) B – Insectivoor (Vliegenvanger) C – Zaodeter (Vink) D – Especialiseerde zaodeter (Loxia) E – Vissers (Iesvoegel) F – Netvissers (Pelikaan) G – Filtervoeding (Flamingo) H – Oppervlakoftaster (Kluut) I – Tasters (Ibissneb) J – Oppervlakpfromers (Scheerbek) K – Roofvoegel

Nedersaksisch

't Nedersaksische woord sneb(be) of neb(be) liekt aarg op 't Deense woord næb dat oek verwiest naor de bek van een voegel.

• Grunnegs: nèb, nebbe (VEK)
• Stellingwarfs: snaevel
• Tweants:
  • bek
  • snavel
  • nebbe, nebn (vereulderd)
• Veluws:
  • sna(o)vel
  • sneb(be)
  • neb(be)
  • bek

Anhaling

Ja, tante Fenna bellen op,

mien juffrouw met un platte bos

en met un spitse heksenkop.

Mär in die kop zat zon verstand.

[...]

Ze zei: "Ie heb bie mien ezèten.

Ik bin der duuzenden vergèten,

mär enkle goeien, un paar kwoajen

onthiel ik en noe mag ie roajen

of ie der goed of kwoad op stoat.

Blind bin'k, mäar zonder flauwe kul

reur ik nog goed op tied de nebbe.

[...]

Uut 't gedich Tante Fenna van de Veluwse dichter Hermen Bomhof (1919-1988)
Bron: Van weerskanten vremp, een keuze uit de gedichten van Hermen Bomhof, Iesselakkedemie, Kampen, 1987

Commons: Sneb - plaatjes, filmkes en/of gelüüdsbestanden.

Dit stuk is eschreven in 't Putters