Spelling van G.S. Overdiep
De spelling van G.S. Overdiep hef de eerste poging west veur een ienvoldige schriefwieze van het Drèents, de spelling is ontwikkeld deur van de Grunniger hoogleraar G.S. Overdiep, hie was ok de eerste die met concrete veurstellen kwam. In het maondblad Drente van 1935 kwam e met wat regels met veurbeelden. Hie prebeerde bij het Nederlands an te sluten under toevoeging van een enkel tieken.
In juni van datzölfde jaor kreeg e in het maondblad steun van Jan Naarding. Ok Naarding wol dicht bij het Nederlands blieven, maor Aan deze eisch mag men echter een andere niet opofferen: die van de duidelijkheid. Elke klank moet zooveel mogelijk een eigen teeken hebben en elk teeken moet liefst één bepaalde klank voorstellen. Hie wol niet al te veul accenten en een te precieze weergave van de oetspraak.
In 1949 pakt Herman Bezoen en Jan Naarding de heufddoelstelling van Overdiep weer op under de titel De spelling van het dialect. Aansluiting bij de Nederlandse spelling.