Verskil tüsken versys van "Germanen"

Op [[toalkunde|toalkundege]] en kulturele groanden goat zie der teggenwoordeg van uut dat de Germanen nauw verwant bunt an de [[Kelten]], [[Sloavische volkeren|Sloaven]], [[Romeinse Riek|Romeinen]], [[Grieken]] en andere Indo-Europesen volker. De umskrieving as ne ofzunderleke gröppe hef zich vermeudelek an et end van et tweede [[millennium]] veur Christus of wat later argens in de vlakten van Oost-Europa voltrokken. Oaver de vrogste geskiedenis van de Germaanse volken is weinig meer bekend as dat zie rundumme de [[6e eeuw v.Chr.|6de eeuwe v.Chr.]] in [[Scandinavië]] en rundumme de [[Oostzee]] leafden. Hier verdreaven zie miskien de eerder an-ekommen [[Saami]] en [[Balten|Baltiese stammen]], moar woarschienleker is dat zie zich doar deels met vermengden. Dat de Germanen toon nog neet arg talriek waarn blik uut et gegeaven dat n anzeenlek antal weurden in den Germaansen 'oertoal' oaver-enommen is van de vroggere neet-Indo-Europese bevolking van rundumme de Oostzee (zee wieter et artikel oaver de [[Germaanse understroatverunderstelling]]). Eur oaverwicht bestoand eerder uut beatere woapens zoas den [[striedwagen]] as uut grotere antallen kriegers. Ok bruukten de Germaanse kriegers woarschienlek al vrog [[iezertied|iezeren]] woapens dee steaviger waren as de [[bronstied|bronzen]] woapens van de eursprönkeleken bewonners. Noa verlöp van eeuwn ontstoand doar in dizze streken ne zeakere oaverbevolking en völlen verhuusden steeds wieter noar et zuden (et [[Duutslaand]] van vandage), um zich van doaruut heanig an noar et oostn, zuuden en et westen te verspreiden. Der ontstoanden op dee wieze völle verskillende volksstammen, dee op verskillende tiedstippen en plaetse met andere namen eneumd wodden, zoas de [[Friezen]], [[Toxandriërs]] en [[Cananefoaten|Kaninefoaten]]. Hierdeur wödt et zwoar eure juuste beweagingen in et biezunder noa te goan. Den geskiedskriever [[Publius Cornelius Tacitus|Tacitus]] verdeelt zie in dree gröppen: de [[Ingvaeones]], [[Herminiones]] en [[Istvaeones]]. Dizze verdealing was egroand op de mythiese ofstamming van de Germanen van de dree zunnen van den oervader [[Mannus]]. [[Plinius den Olderen]] mek in book IV van ziene [[Naturalis Historia]] ne verdealing in 5 gröppen: 1. de [[Vandalen|Vandili]], woartoo volgens um de [[Bourgondiërs|Burgodiones]], Varinnae, Charini en Gutones beheurden, 2. de Inguaeones, woartoo de [[Cimbren|Cimbri]], de [[Teutonen|Teutoni]] en de volken van de [[Chauken|Chauci]] beheurden, 3. de Istuaeones dee et dichtst bi-j de Rien wonden, 4. de Hermiones, woartoo de [[Sueben|Suebi]], [[Hermunduren|Hermunduri]], [[Sjatten (volk)|Chatti]] en [[Cherusken|Cherusci]] beheurden en 5. de [[Peucini]] Basternae, an de grenze met Dacië.