Geofiksie

Geoverzinseln öf geo-oognbekeukelderieje i't verzinn'n van geogroafiese eanheaidn zooas stèdn, laandn en planètn. Ök skriewers van soagen, sciencefiction en fantasieje doot völle mit geoverzinseln. Öp eankle skooln wör geoverzinseln ebruukt as wirskaftsprejek.

N veurbeald van hoo iejmaand van d'Amerrikoanse stoat Rhode Island ne geofrzönn'n noasie zaaw moakn könn'n.

N oantal mènsken doot det ömdè'z t nich öp ean linie hebt mit disse soamnleawige en moakt doarömme n'utöapiese wearld, öf öp zinne meanstn ne veurkeurswearld. Oandre zeent doarböawenöp etwa bliejer mit öare wearld en oawerzettn disse faskinoasie noar köarte, spröake, mesiek öf nieje (spoor)weejn in öare eaigne laandn. In geoverzinseln kan aales ebruukt wör wa'nen geoverzinner good enoog feendt ömme ebruukt te worn i'de frzönn'n wearld. Zee könnt dienstreagligen öntwarpn, spröake moakn, köarte tèknen, groondwjètn skriewjen en öntwikkelige uu't eaigne frzönn'n laand beskriewjn.