Verskil tüsken versys van "Zoomp"

[[Ofbeelding:Zomp.jpg|thumb|300px|Zoomp ''Regt door Zee'']]

[[Ofbeelding:Zomp 2.jpg|thumb|300px|Zoomp]]

Duur de wiedbolnde ziedkaantn hebt zoompn nen machtigen leegn deepgaank.

 

In n [[17e eeuw|17den eeuw]] warn de weagn in t Oosten slech. Mear de [[industrie]] köm op gaank en doarduur mos dr mear [[vervoor]]d wordn. Met [[peerd|peard]] en waagn kon nit zovölle vervoord wordn, dus ontwikkeldn de leu n zoomp. In Eanter wonn in [[1795]], noar toewmoaligen volkstelling, 307 gezinsheuwde, woervan't dr 80 zoompskipper warn.

 

Roond [[1770]] har Eanter wal dree ''waarven'' vuur t bouwn van zoompn. In [[1820]] warn der 121 zoompn bekeand in de beuke. Hoaste allemoal wörn dee bevoarn duur Eanterse skippers, dee't zaakn deedn töt in [[Freeslaand]] an too. Nen lokaal bekeanden naam, ''Schuitemaker'', is ontstoan duurdet nen [[domie]] oet Eanter ene van zinne leedn in t register mos inskriewen; nen zekern ''Timmer-Tönnis'', van beroop ''schuytemaker''.

 

n Zoomp is ongevear 12 [[meter]] laank en 2,5 tot 3 meter breed. t Is nen [[platboadm]] met nen deepgaank van mear 40 [[centimeter]]. n Zoomp hef ne laadruumte vuur ongevear 8,5 [[ton]].

t Hef één [[grootzeil]] en n [[fok]]zeil. As dr nit ezeild kan wordn, kan-e vanof de kaante etrökn wördn, of met nen voarboom edrok.

n Zoomp hef n kleain hukn woer n [[skipper]] en zien knecht köant sloapn en kokn, mear det is zulk kroepn de-j better an wal köant goan.

 

Duurdet dr spoerlienn en harte weagn kömn, warn de zoompn nit mear neudig vuur transport. Dewiel dr op t heugtepeunt mear as honderd zoompn voardn, besteet dr rechtevoort nog mear eene, de ''Regt door Zee'', wat n noamaak is van vrogere bouwtekenings. Dissen zoomp lig in [[Riesn]] en wörd in ezat vuur plezeertochn oawer de regge en vuur n intoch van [[Sunterkloas]] in Riesn en Eanter. Seend [[2009]] is in [[Eanter]] ne spesjale skeepsbouwplaatse ''[[de Waarf]]'' lös egoan, woer't met vriejwilligers wier op de oolde manere zoompn wordt ebouwd.

 

 

{{Dia|Disse pagina is eskreewn in t [[Riesns]]}}

[[Kattegerie:Skip]]

 

[[de:Zomp]]

[[nl:Zomp]]