Heufdmenu losdoon
Disambig-dark.svg Neet te verwarn met t Grönningse woord zomp
Zoomp Regt door Zee
Zoomp

n Zoomp is n skip wat van ongevear 1670 tot 1925 in Eanter wör ebouwd. t Was bestemd as vrachtskip vuur de binnvoart en voarn vuurnamelik oawer de Regge, Vechte en Skipbekke. n Zoomp vaalt as soort skip oonder de Praamn. Duur de wiedbolnde ziedkaantn hebt zoompn nen machtigen leegn deepgaank.

OntstoanBewarken

In n 17den eeuw warn de weagn in t Oosten slech. Mear de industrie köm op gaank en doarduur mos dr mear vervoord wordn. Met peard en waagn kon nit zovölle vervoord wordn, dus ontwikkeldn de leu n zoomp. In Eanter wonn in 1795, noar toewmoaligen volkstelling, 307 gezinsheuwde, woervan't dr 80 zoompskipper warn.

Roond 1770 har Eanter wal dree waarven vuur t bouwn van zoompn. In 1820 warn der 121 zoompn bekeand in de beuke. Hoaste allemoal wörn dee bevoarn duur Eanterse skippers, dee't zaakn deedn töt in Freeslaand an too. Nen lokaal bekeanden naam, Schuitemaker, is ontstoan duurdet nen domie oet Eanter ene van zinne leedn in t register mos inskriewen; nen zekern Timmer-Tönnis, van beroop schuytemaker.

BeskriewingBewarken

n Zoomp is ongevear 12 meter laank en 2,5 tot 3 meter breed. t Is nen platboadm met nen deepgaank van mear 40 centimeter. n Zoomp hef ne laadruumte vuur ongevear 8,5 ton. t Hef één grootzeil en n fokzeil. As dr nit ezeild kan wordn, kan-e vanof de kaante etrökn wördn, of met nen voarboom edrok.

n Zoomp hef n kleain hukn woer n skipper en zien knecht köant sloapn en kokn, mear det is zulk kroepn de-j better an wal köant goan.

RechtevoortBewarken

Duurdet dr spoerlienn en harte weagn kömn, warn de zoompn nit mear neudig vuur transport. Dewiel dr op t heugtepeunt mear as honderd zoompn voardn, besteet dr rechtevoort nog mear eene, de Regt door Zee, wat n noamaak is van vrogere bouwtekenings. Dissen zoomp lig in Riesn en wörd in ezat vuur plezeertochn oawer de regge en vuur n intoch van Sunterkloas in Riesn en Eanter. Seend 2009 is in Eanter ne spesjale skeepsbouwplaatse de Waarf lös egoan, woer't met vriejwilligers wier op de oolde manere zoompn wordt ebouwd.

NedersaksischBewarken

  Disse pagina is eskreewn in t Riesns