An et ende van de [[15e eeuw|15de]] en et beginne van de [[16e eeuw|16de eeuwe]] probierden de Bourgondiers (u.a. [[Karel de Stoute]]) en eure opvolgers den Habsburgers (keizer [[Maximiliaan I van Oostenriek]] en zienen opvolger keizer [[Karel V van et Heilige Roomse Riek|Karel V]]) eur arfgroondgebeed in de Nederlanden uut te breiden. Zi-j hadden in de noordeleke Nederlaanden al Broabant, Hollaand en Zeelaand under beheersing, moar prebeerden ok de rest van dit gebeed te veroaveren. Dat leverden stried op mit: den Biskop van Utrecht, den heersten oaver et Sticht (Utrecht) en et Oaversticht (Oaveriessel, Drenthe en Grunnen); den hartog van Gelre (Gelderlaand); en het min of meer “vri-je” Freeslaand. Doar wödden deur de Habsburgers reagelmoatig zelfs kriegshaandelingen in dizze gebeeden undernommen, wat dan wier kriegshandelingen op reep van u.a. de Geldersen.
