Woapen van Riesn-Hooltn

t Woapen van Riesn-Hooltn is t woapen van de Oaweriesselse gemeante Riesn-Hooltn. t Woapen wörn me't Köninklik Besloet öp 18 augustus 2004 an de gemeante geawen.

t Woapen van de gemeante Riesn-Hooltn.

Blazoenerige

De ömskriewige van t woapen is (in t Neerlaands):

"Gedeeld; I in azuur een rijstak van goud; II in goud drie zwijnskoppen van keel met slagtanden van zilver, boven elkaar geplaatst. Het schild gedekt met een gouden kroon van vijf bladeren."

De heraldieske kleurn bint gold (geel), azuur (blaauw), keel (rood), en zilver (wit).

Skiednisse

t Woapen besteet oet ne kombinoasie van de wöapen van de eermoalige gemeanten Riesn (n goldenen tak) en Hooltn (de zwieneköppe). n Riesnsen tak kömp al veur öp nen zeggelofdruk oet 1511. t Riesnse woapen is ok n sprekkend woapen: n "rijs" of "ries" is n old woard veur n täksken. Oawer de wegkomst van de zwieneköppen we'w niks, nich biej t archief van de Hoge Raad van Adel mer ok nich biej t gemeantearchief.

De Hoge Raad van Adel döa tiedens de woapenanvroage t veurstel öm t woapen van Riesn (dat in de riekskleurn oet-veurd is) te oarn. Völgens det veurstel zoln t skild groon wörn, met n tak van zilver. Tusken twea zwieneköppe zoln ne sterre of lelie kömn öm de moagde Maria te symbolisearn. Mer de gemeante vönnen de olde kleurn better en zaa Maria nich as relevant. De gemeante kömn doe me't veurstel van t dealde woapen, zo-a't ok an t ende an de gemeante verleand is.

Glieksoartige wöapen

• 
  Woapen van Riesn
• 
  Woapen van Hooltn