Verskil tüsken versys van "Neanderthaler"

Neanderthalers waren gewoun een mensksoorte, arg gelyke an uns. Mar der waren ouk seaker verskillen. So wördden sy neet arg lank: 150 töt 160 centimeater, mar swårder van lyv en möägelik vlink wat starker. In vergelyking med uns hadden se lankwarpiger höyvden, een swåre wenkbrouwbouge, de kinne stünd neet vöäruut en se hadden een dikke nöyse. Neanderthalers waren blykbaar geyn gode renners, want de underbyne waren kleiner. Vermöädelik waren de ousterse varianten wat slanker as de westersen, wat med et klimåtverskil te maken hevt. Wal hadden se de harssens grouter as dat van uns. Quå språkmöägelikheyden waren de neanderthalers seaker gelyke an uns.

 

Neanderthalers waren knyvtige mensken. Getüge de vöäle vündsen van steynen warktügen so as vuustbylen en skrapers. Sommige lüde denket dat de plyssteyn, ümme deerhüden te bewarken, döär de neanderthaler uutevünden is, en later döär moderne mensken oaverenömmen is. Ouk hadden sy verskillende wyses ümme vüür te maken, wat wal händig is as y in een ystyd leavt. De meyste oaverblyvsels van neanderhalers bint in grotten evünden, wat dan west up dat sy meystentyds in grotten leaven en slöäpen. Vöäle anwysings bint der vöär dat sy der een godsdenst der up nå eholden en ear douden med allerlei rituelen begraven.