Isaac Vos

Isaac Vos, ok Isaac de Vos en Isaak de Vos (nao 1653 in Amsterdam estörven) was een Nederlaandse golden-ieuwse tenielspeuler en dichter van komische verhaalties en kluchten.

Vos speulde sinds 1638 bij de Stadsschouwbörg Amsterdam mit in komische stokken; wieder was e ok dichter en tenielschriever. Bekande warken van hum waren de klucht De Moffin, veureerst Loome Lammert enuumd (1642), aover de Duutse immigrante Trijne die in de Nederlaandse Rippebliek perbeert heur zeun uut te hielijken, en de Klucht van de Mof (1644), waorin de Duutse immigraant Joachim Buelecke bij een Amsterdamse schoemaker in de lere giet en wat mit die zien dochter begunt, waor niet iederiene bliede mit is. In beide stokken wördt Duutse immigraanten stereotypisch dalezet as vrömd en onverkwikkelk.

Iemant en Niemant. Zinnespel (1645) is een vrije bewarking van een Duuts stok, det op zien beurte op een Engels stok beröst. 't Drama Gedwongen Vrient (1646) is een imitatie van El amigo hasta la muerte van de Spaanse tenielschriever Lope de Vega. De Singende klucht van Pekelharingh in de kist (1648) is een bewarking uut 't Engels. Wieder schreef Vos nog Robbert Leverworst (1650), aover 't herstel van een beruchte zwadde.

Det de lu drok waren op de stokken van Vos, kun niet verhindern det hij op 't lest in armoede leefde.

Bronnen

• J. A. Worp (1883), 'Isaac Vos.' In: Tijdschrift voor Nederlandse Taal- en Letterkunde 3, blz. 63–93, 223–227. (internet archive)
• H. Meeus (1983), Repertorium van het ernstige drama inde Nederlanden 1600-1650. Leuven: Acco. (Vollversion)

Uutgaonde verwiezings

• De tekst van Vos zien stok 'Iemant en Niemant'
• Lotte Jensen: Moffen-beeld bij de toneelschrijver Isaac Vos
• Biografisch Portaal van Nederland

Dit stok is eschreven in 't Zuudwest-Drèents.