Verskil tüsken versys van "Isaac Vos"
Verwijderde inhoud Toegevoegde inhoud
KGeen bewerkingssamenvatting |
Taal |
||
Regel 1:
'''Isaac Vos''', ok '''Isaac de Vos''' en '''Isaak de Vos''' (nao 1653 in [[Amsterdam]] estörven) was een [[Nederlaand|Nederlaandse]] [[Golden Ieuw|golden-ieuwse]] tenielspeuler en dichter van komische verhaalties en [[klucht|kluchten]].
Vos speulde sinds 1638 bij de [[Stadsschouwbörg Amsterdam]] mit in komische stokken; wieder was e ok dichter en tenielschriever. Bekande warken van hum waren de klucht ''[[De Moffin]]'', veureerst ''Loome Lammert'' enuumd (1642), aover de Duutse immigrante Trijne die in de [[Republiek der Zeuven Veraenigde Nederlaanden|Nederlaandse Rippebliek]] perbeert heur zeun uut te hielijken, en de ''[[Klucht van de Mof]]'' (1644), waorin de Duutse immigraant Joachim Buelecke bij een Amsterdamse schoemaker in de lere giet en wat mit die zien dochter begunt, waor niet iederiene bliede mit is. In beide stokken wördt Duutse immigraanten stereotypisch dalezet as vrömd en onverkwikkelk. In dizze kluchten wördt zowal Nederlaands as [[Westfaals]] gebruukt.
''Iemant en Niemant. Zinnespel'' (1645) is een vrije bewarking van een Duuts stok, det op zien beurte op een Engels stok beröst. 't Drama ''Gedwongen Vrient'' (1646) is een imitatie van ''El amigo hasta la muerte'' van de Spaanse tenielschriever [[Lope de Vega]]. De ''Singende klucht van Pekelharingh in de kist'' (1648) is een bewarking uut 't Engels. Wieder schreef Vos nog ''Robbert Leverworst'' (1650), aover 't herstel van een beruchte zwadde.
| |||