'''Deenkellaand''' ([[Nederlaands]]: ''Dinkelland'') ({{Audio|043_Dinkelland.ogg|<small>oetsproak</small>}}) is nne [[gemiente (bestuur)|gemeante]] in t noordoostn van [[Tweante]], in de [[pervincie|proveensie]] [[Oaveriessel]]. Deenkellaand greanst in t noordn an de gemeante [[UelsenUlsen]], in t uterste noordoostn an de gemeante [[NeuenhausNiejnhoes]], in t oostn an de gemeantes [[NordhornNordhoorn]] en [[Bad BentheimBeantem]] (alle vier in t [[GroafschapGroafschop BentheimBeantem]], [[Nedersaksen|Nedersaksn]], [[Duutslaand]]). In t zuudoostn greanst Deenkellaand an [[Loster]] en [[Oldnzel]], in t uterste zuudn an [[Eanske]], in t zuudwestn an [[Hengel (Oaveriessel)|Hengel]] en [[Boorn]] en in t westn en noordwestn an [[Tubbargn]].
Op [[1 januari]] [[2001]] fuseerdnwördn [[Oatmörsken]], [[Deankaamp]] en [[Weersel]] biej mekaar trökn töt de nieje gemeante Deenkellaand. Op [[1 juli]] [[2006]] har de gemeante 26.070 inwonners (bron: CBS) op nne öppervlakte van 184,26 [[vierkaante kilometer|km²]] (woarvan 1,08 km² water). De gemeante Deenkellaand maakt deel oet van t [[koaderwetgebeed]] [[Regio Tweante]].
Deenkellaand hef net as heel Oost-Tweante zien [[Rooms-Katholieke Karke|kattelieke]] karakter good wetn te behooldn. Zo wordn de meeste kattelieke gebroekn der nog noaleafd, en hef de gemeante net as [[Tubbargn]] n relatief hoog geboorteciefer. In Oatmörsken veend unieke Poasgebroekn plaats, zoas t [[vlöggeln]].
