Verskil tüsken versys van "Middeleywen"

[[File:Crescenzi calendar.jpg|thumb|]]

 

 

Untwikkelingen uut de late prehistory, sou as daling van et bevolkingsantal, volk wat wegtröäk van olde bevolkingscentra, wegvallen van langbestånde regeyringen, invasys en massamigraty van stammen, güngen noch lange döär in de middeleywen. Döärdat volk up groute skåle vordtröäk når andere steades, sou as verskeidene germaanske stammen, untstünden nye köäningryken in et gebeed wat ooit et westen van et Romeinske Ryk was. In den söävenden eywe wörden [[Noordafrika]] en et [[Midden-Oosten|Middenousten]], wat töt dee tyd noch under et Oustromeinske of [[Byzantiense Riek|Bysantynske Ryk]] höyrden, deyl van et [[Umayyadkalifaat]], en [[Islam|islamitisk]] ryk. Al güng der vöäle up de sküppe in de samenleaving en wat polityk angeyt, der wör neet heylemål med et verleaden ebröäken. Et noch altyd groute Bysantynske Ryk, den direkten voordsetting van et Romeinske Ryk, bleav noch lange nen grouten macht. Med de [[Corpus Iuris Civilis]] (et J''ustiniaanske Börgerrecht'') kreagen börgers meyr rechten. In de westerske wearld nöämen vöäle köäningryken deylen van romeinske instituten oaver. Nye biskopryken en klousters wörden esticht en et kristendom spreidden oaver Europa. De [[Franken]] hadden under [[Karel de Grote|Grouten Kårel]] van den 8. töt den 9. eywe noch eaven et [[Karolingiske Ryk]]. Up et höygdepunt vöälen der noch groute deylen van [[West-Europa|Westeuropa]] under, mär et hölde gin stand. Der wör tevöäle intern evöchten, wårdöär der gin eynheid was teagen anvallende [[vikingen]] uut et noorden, [[magyaren]] uut et ousten en [[saracenen]] uut et süden.