Verskil tüsken versys van "Dedemsvaort (kenaal)"

15 bytes verwijderd ,  13 jaar geleden
K
geen bewarkingssamenvatting
K
K
De prakkezaosie um de uutestrekte [[veen|venen]] ten oosten van Asselt te ontginnen kwaamp van mr. [[Gerrit Willem van Marle]]. De steden [[Zwolle (Oaveriessel)|Zwolle]], [[Kampen]] en [[Dèventer]] verzetten heur d'r tegen, umdet ze bange waren det 't heur haandel zol schaden. Deur dizze tegenwarking slaagden Van Marle niet in zien plan.
 
Zien schoonzeune [[Willem Jan baron Van Dedem|Willem Jan baron Van Dedem tot Den Berg]] zetten nao 't overlieden van zien schoonva 't plan deur, en op 9 [[juli]] [[1809]] begunden ze 't kenaal de Dedemsvaort te graven. In 1811 gunk 't kenaal töt an [[De Balk]].
 
De baron kwaamp echter in geldnood en mos daorumme zien kenaal en ontginnings verkopen an de [[pervincie]] [[Oaveriessel]]. Nao een paar jaor slaagden hi'j d'r toch weer in 't project in haanden te kriegen. Zachiesan naamp 't kenaal in lengte toe, mar de geldperblemen waren in [[1845]] zo slim det 't project opni'j oavereneumen wördden deur de pervincie.
 
[[Image:Turfschip.jpg|thumb|left|270px|De leste turf die oaver de Dedemsvaort vervoerd wördden, kwaamp uut Barger-Compas (ofebeeld is motorschip ''Stien'' uut Den Hulst)]]
In [[1854]] wördden de Vechte bi'j [[Ane]] beriekt, waordeur de Dedemsvaort een körtere vaorverbinding vörmden dan de Vechte tussen Grambarge en Asselt. 't Kenaal had acht [[sluus|sluzen]] en meerdere zi'jtakken. De zi'jtakke de Lutterheufdwiek takten in [[Lutten]] of en leup op [[Koevern]] an. Rond de sluzen en broggen ontstunden dörpen en [[buurtschop]]pen. An de westkaante van 't dörp De Vaort splitsten 't kenaal hum in een noordelijke takke, ''Lange Wiek'', en een zudelijke, de ''Heufdvaort''. An de oostkaante van 't dörp kwamen dizze takken weer bi'j menare.
 
Langes de vaort kwaamp d'r aordig wat verkeer. Zo volgden de tramweg van de [[Dedemsvaartsche Stoomtramweg-Maatschappij]] 't kenaal tussen de [[Lichtmis (Oaveriessel)|Lichtmis]] en Lutten.