Verskil tüsken versys van "Jan Roelof Westerhuis"

Westerhuis studeerden [[economie]] ien [[Grunnen (stad)|Grunning]]. Op 't Ministerie van Landbouw was hi'j verantwoordelijk veur laandbouwonderwies. Hi'j woonden ien [[Voorburg]] ([[Zuud-Hollaand]]) en nao zien pensionering ien De Wiek.

 

As Gerard van Elburg skreef e [[Nederlaands]]talige gedichten ien 't studentenblad Minerva, daoras e ok redacteur van was. Ien [[Oeze Volk]] en aandere tiedskriften publiceerden hi'j gedichten ien 't [[Drèents]]. Veural weur hi'j bekend as recensent van Drèentse skrieveri'je. Veur de Regionale Omroep Noord en Oost (later [[Radio Noord]]) maakten hi'j ien de vrogge jaoren vieftig 't literaire programma ''De Drènse (Drentse) Parnassus''. Later skreef e ok recensies van Drèentse gedichten veur de rubriek ''Te kust en te keur'' van [[Hans Heyting]], die de teksten veurlas. Ien ''[[Maandblad Drenthe]]'' had Wilms een vast stokkien, "Dichters en zondagsdichters bekeken door Gerriet Wilms". Deur Wilms zien wark gruuiden 't idee bi'j partie skrievers om een skrieversveriening op te richten. Ien 1953 hölp Wilms mit de [[Drentse Schrieverskring]] op te richten; hi'j weur de eerste veurzitter.

 

De bloemlezing ''Scheupers van de taol'' nuumt Wilms "de eerste echte recensent van Drentse schrieverij" <ref>Broersma, Rouke (red.) (2003), ''Scheupers van de taol: Bloemlezing van de Drèentse Schrieverij 1837-2003'', Zuudwolde: Stichting Het Drentse Boek (p. 120)</ref>, mar 't overzichtswark ''Drèentse schrieverij'' skrif: "echt kritisch was e niet." <ref>Boerma, Stieneke en Rouke Broersma (1993), ''Drèentse schrieverij'', Zuudwolde: Stichting Het Drentse Boek (p. 53)</ref>

 

Literatuurhistoricus [[Hendrik Nijkeuter]] markt op det Gerriet Wilms en [[Harm Werners]] ien biografische besprekings van Drèentse skrievers veur ''Maandblad Drenthe'' "minder fraaie zaken met de mantel der liefde" hebt bedekt (bespreuken wördt de skriever [[J.J. Uilenberg]], die lid ewest had van de [[NSB]] en de [[Kultuurkamer]]). Nijkeuter nuumt dit een "onprofessionele aanpak", mar skrif d'rbi'j: "Hadden zij anders gewild, dan hadden zij wel tegen een bijzonder sterke stroom moeten oproeien". <ref>Nijkeuter, Hendrik (2001), ''De "pen gewijd aan Drenthe's dierbren grond" : literaire bedrijvigheid in de Olde Lantschap, 1816-1956'', Grunning: RUG (dissertatie, p. 527)</ref>

 

Gerriet Wilms zien Drèentstalige wark is niet ebundeld, mar stiet ien bloemlezings zoas ''Mandielig'' (1983) en ''Scheupers van de taol'' (2003), daor a'j zien knap en mooi eskreben gedicht ''Winterdag'' ien vienden.

 

<div class="references-small">

<references/>