Verskil tüsken versys van "Arnold Rakers"

Verwijderde inhoud Toegevoegde inhoud
KGeen bewerkingssamenvatting
Bibliografie (onvolledig)
Regel 30:
Rakers was mit [[Jan Naarding]] de heufdontwarper van de [[Vosbergenschriefwiese]], een gedielde spelling veur 't Nedersaksisch van Nederlaand en Duutslaand. Dizze was vernuumd naor 't butenverblief van de [[Rieksuniversiteit Grunnen]], daoras Heeroma in 1954 een Nedersaksisch symposion organiseerden. De Vosbergenschriefwiese mus de gruui van 't Nedersaksisch as cultuurtaal in de haand warken, mar d'r bleek in 't lest niet genog animo veur.
 
Bi'j een bulte initiatieven van de beweging was Rakers betrokken; zo sprak e bi'j de oprichting van een bond van Nedersaksische skrieverskringen in [[Maarkel]] in 1955 oaver de 'Stried föör de Moderspraoke'. Een toertien was hi'j mitwarker van 't interregionaole tiedskrift ''[['t Swieniegeltje]]'', det in [[Grunnen (provìnzie)|Grunning]] op-ericht was. De dichtbundel ''Algerak'' (1959) van de Twèentse skriever [[Arend Lamm]] verskeen in samenwarking mit Rakers. Mar de grote taalrenaissance die as hi'j veur ogen ehad had, kwaamp ter niet van. Hi'j raakten teleurgesteld in de beweging, daorvan veul figuren drokte en armoede mit menare hadden, en keerden hum d'rvan of.
 
Toch bleef hi'j mitwarken an uutgaoves. Zo verskeen in 1963 van Heeroma en Rakers ''Der Mensch in seiner Sprache''. Ok was e betrokken bi'j de veurbereiding van een 'skriftenriege' veur 't Nedersaksische gebied, ''[[Weerwoord]]'', daoras in de harfst van 1965 pas nao zien hengaon 't eerste diel van uutkwaamp. In zien leste jaoren, veurdet hi'j onverdachts uut de tied kwaamp, gunk hi'j terogge naor zien aandere olde liefdes, de filosofie en bename de theologie.
 
==Bibliografie==
*''Die Mundarten der alten Grafschaft Bentheim und ihrer reichsdeutschen und niederländischen Umgebung : Auf dialektgeographisch-geschichtlicher Grundlage ; mit einem Mundartatlas von 142 Karten (im Anhang)''. Oldenbörg: Stalling, 1944
 
*''Stried föör de Moderspraoke''. Stadskanaal: Eerelmann, 1955 (rede bi'j de oprichting van de [[Nedersaksische Schrieversbund]] in Maarkel op 25 juni 1955)
 
*''Mundartatlas der alten Grafschaft Bentheim'' (red. Hendrik Entjes en Hermann Niebaum). Sögel: Emsländische Landschaft für die Landkreise Emsland und Bentheim, 1993
 
==Bronnen==