Staverden
Staverden is een buurtschap in de gemeente Armelo, in de Nederlandse previnsie Gelderland. 't Dankt zien naam an 't kesteel "Staverden" dat der al veule eeuwen steet. 't Is dan ok eigenlijks meer een landgoed as een buurtschap.
De buurtschap het, inclusief 't umringende gebied, 40 inwoeners (2005). Staverden kreeg in 1298 stadsrechten, mar het zich nooit as stad ontwikkeld. Toch is 't daormee mit recht de kleinste stad van Nederland (en werschienlijk de kleinste plaots mit stadsrechten ter wereld).
De buurtschap leit op de Veluwe, iets in 't noordoosten van de N302 (Flevoweg), kortbie de buurtschap Leuvenum en een paor kilemeter in 't westen van 't darp Elspeet.
Stichting Het Geldersch Landschap bewark
Staverden steet bekend um 't Kesteel Staverden, de Staverdense beek en 't gelieknamige uut-estrekte landgoed dat, eigendom is van de "Stichting Het Geldersch Landschap". Disse stichting is ok eigenaar van zwat alle ouwe boerderiejen en 't grote Noorse jachthuus die in de buurtschap staon.
't Kesteel is eigendom van "Stichting Vrienden der Geldersche Kastelen" dat nauwe banden het mit Stichting Het Geldersch Landschap.
Ontspanningszaol bewark
An de "Allee", de ouwe toegangsweg naor 't kesteel, steet de "Ontspanningszaol". Disse houten barak mit klokkentorentjen is ofkomstig uut 't veurmaolige "Belgenkamp" (1914-1918, Eerste Wereldoorlog) dat argens bie Harderwiek estaon het. 't Zaoltjen wort as buurthuus gebruukt deur de inwoeners van de landgoederen "Staverden" en "Leuvenum".
Galleri-je bewark
-
Karkjen -
Kasteel -
Waotermölle -
Umgeaving
| Gemeente Armelo |  | |||||||||
|---|---|---|---|---|---|---|---|---|---|---|
| ||||||||||