Harderwiek

Harderwiek (, Nederlands: Harderwijk) is n stad en gemeente in de Nederlandse provinsie Gelderland.

Gemeynde Harderwiek
Vlagge van Harderwiek	Wapen van Harderwiek
Lokaty van de gemeynde Harderwiek
Informaty
Provincy	Gelderlaand
Höyvdplaatse	Harderwiek
Geografy en bevolking
Uppervlakde  - Land  - Water	48,27 km² 38,59 km² 9,68 km²
Antal inwoaners Inwoaners per km²	45.652 (1 augustus 2013) 1183 inw./km²
Koordinaten	52° 21′ N, 5° 37′ O
Oaverig
Belangryke weagen	A28, N302
Netnummer	0341
Postkodes	3840-3849
Officiele websteade
www.harderwijk.nl

Harderwiek is n Hanzestad en leit an de rand van de Veluwe en an t Wolderwied, ongeveer op de helft tussen Zwolle en Amersfoort. t Is t regionale verzorgingssentrum veur de Noordwest-Veluwe en Zeewolde.

Harderwiek had op 1 augustus 2013 (bron: CBS) ongeveer 45.652 inwoeners en n oppervlakte van 48,27 km², waorvan 9,68 km² waoter. t Totale antal woeningen in Harderwiek was op 1 jannewaori 2009 17.301. De stad Harderwiek zelf het ongeveer 42.500 inwoeners, t overige deel woent in t butengebied, waorvan ongeveer 3.000 in t darp Hierden.

Geschiedenis

Harderwiek kreeg in 1231 stadsrechten van Otto II van Gelre en nam n belangrieke plaots in. In 1503 was der n grote stadsbrand in Harderwiek. In dee periode kreeg Harderwiek ook de Gelderse Munt en ook wier de baosis eleid veur de Universiteit van Harderwiek (1648-1811). Harderwiek het zien eigen stark ontwikkeld as handels- en vestingstad, en met de komst van de universiteit, zelfs as universiteitsstad. Daornao kwam t verval: Harderwiek verloor, met heel Oost-Nederland zeutjes an van t westen en de stad wier n vissersplaots. In 1811 wier deur t Franse bewiend de universiteit op-eheven.

Met t ofsluten van de Zuderzee en de daorop volgende anlegging van de Flevopolders in 1932, verloor t stadjen ook zien funksie as vissersplaots. Waor non de boulevard is, leien vrogger de botters an bie de Vischpoort um de vis te verkopen op de Vischmarkt. t Is nog altied meugelik um bottertochten op een van de meren te maken. Nao 1932 nam de visserieje as bron van bestaon stark of. Handel, industrie en toerisme wieren toe veul belangrieker.

De historiese binnenstad wier in 1969 tot bescharmd stadsgezicht uuteroepen. In dee zelfde tied hen ze t Dolfinarium Harderwiek neerezet, wat jaorliks veul bezeukers uut heel Nederland trekt.

Overige kernen

Harderwiek het op Hierden nao geen andere darpskernen, t Het wel n antal buurtschappen zo as Frankriek en Dunen.

Zusterstad

• Znojmo (Tsjechië)

Angrenzende gemeenten

Angrenzende gemeenten
	Dronten (Fl)	Nunspeet
Zeewolde (Fl)
	Armelo

Zie ook

• Grote Karke (Harderwiek)
• Dolfinarium Harderwiek

Foto-uutstalling

• 
  Ouwe gevels
• 
  De Grote Karke
• 
  n Karke in Harderwiek
• 
  Meule De Hoop
• 
  Vischpoort
• 
  De stadsmure van de ziedkant
• 
  Pleintjen in Harderwiek
• 
  De muziekschoele

Uutgaonde verwiezing

Commons: Harderwiek - plaatjes, filmkes en/of gelüüdsbestanden.

Provinsie Gelderlaand

Gemeenten: Aalten · Apeldoorne · Armelo · Arnem · Attem · Barg en Dal · Barreveld · Berkelland · Beuningen · Bronckhorst · Brummen · Buren · Deutekem · Doezebarg · Druten · Duve · Ee · Elburg · Epe · Harderwiek · Heerde · Heumen · Kulenburg · Lingeweerd · Lochem · Maasdriel · Montferland · Neder-Betuwe · Niekark · Nimwaege · Nunspeet · Olde Iesselstreek · Oldebroek · Oost Gelre · Overbetuwe · Putten · Renkum · Rheden · Rozendaal · Sjaarpezeil · Tiel · Voorst · Wageningen · Wenters · West Betuwe · West-Maas en Waal · Westervoort · Wiechen · Zaender · Zaltbommel · Zutfent

Dit artikel is eskreaven in et westveluwske dialekt van Harderwiek, in de Algemene Nedersaksiese Schriefwieze.