Systrafoss

Den Systrafoss is nen waterval in Ieslaand vlakbie et pleatsken Kirkjubæjarklaustur. Den waterval keump vanoet Systravatn, een meerken boawen op den barg, in twee verskilnde watervälle in den Bæjargil noar dealten. Vanof 1186 töt an de reformasie in 1550 hef der n Benediktiens nonnenkleuster in Kirkjuæjarklaustur stoan. Doar verwis den waterval ook noar (systrafoss = waterval van de zusters). Et Systravatn, meer van de zusters, zol ne badplaatse veur de nonnen west wean. Een volksverhaal geet det der twee nonnen in et meer verdreunken bint. Toon as der öp nen dag ne haand oet et woater umhoge köm met nen golden reenk, zolt de nonnen der inhalig noar greppen hebben, woarnoa as dee haand ear onner water treuk. Oawer et pad langs den waterval kö'j bie et meerken kommen en den waterval van kortbie bekieken.