Ten Kate's Dierenpark

Ten Kate's Dierenpark is een klein dierenpark mit een kuierpad derumhenne an 't Westerveen in de Aoveriesselse plaatse Neilusen. 't Is zeuven dagen in de weke vergees te bezuken.

Een moeflon, ien van de diersoorten die in Ten Kate's Dierenpark te vienden bint. (De moeflon op de foto kump daor niet weg.)

't Dierenpark begunde medio jaoren tachtig toen E.G. ten Kate veur de liefhebberije drei damherten op zien laand höld. Mit de tied gruide 't park uut töt zo'n vier bunder en alderhaande diersoorten. 't Beheer dervan wördden later aovereneumen deur zien zeune, Arie ten Kate.

In 't park hej onder meer een viever van 50 bij 75 meter, een kikkerpoel, een veugelpad en een vleermoeskelder. Umme de dieren zo veule meugelk röst te gunnen, is der veur bezukers een 900 meter laank kuierpad rondum 't park anelegd, mit uutkiekposten, picknickplekkies en een informatiehoek.

Dieren die in 't park te vienden waren of bint

• aalscholvers
• alpaca's
• blauwe reigers
• damherten
• dwargvleermoezen
• edelherten
• emoes
• forellen
• goldvissen
• Göttinger minivarkens
• kangoeroes

• lama's/guanaco's
• mara's
• moeflons
• moezenvalken (buzerds)
• muntjaks
• Nielgaanzen
• Ouessantschaopen
• pony's
• rendieren
• schaopen
• scholaksters

• Schotse hooglaanders
• Siberische grondkatekers
• sikaherten
• slootvissen
• steuren
• Twèentse laandgaanzen
• wangzakkatekers (chipmunks)
• wilde enten
• wilde zwienen

Uutgaonde verwiezings

• Webstee van Ten Kate's Dierenpark

Dit artikel is eschreven in 't Zuudwest-Drèents.