Trio MaJaFra
Trio MaJaFra was ne popgroep oet t Tweantse doarp Eanter, wat vuural in Eanter zeelf en wat meender ook in Riessen bekeand wör. Trio MaJaFra wör vuural bekeand met eagne tekste op nommers oet de Neerlaandse Top 50. n Naam is ne saamntrekking van de vuurnaamn van t dreital.
Trio MaJaFra ontsteund in 1992 in anloop noar t veerjoarige doarpsfeest De Eanterse Deage. Tiedns t vaste oonderdeel, de Pats-Boem-Show, köant de luu oet Eanter zelf ne oetvoering bedeankn en vuur de rest van Eanter spöln. De formule van MaJaFra sleu zo onmeundig an det dr al rap ne CD oetköm: Wat n Gat!. t Leawern ear duur heel Tweante optreadns op.
Noa n antal joar skeadn dr Trio MaJaFra met oet, mer in 2008 kömn ze nog eenmoal bie mekaar vuur n optreadn op de Eanterse Deage.
Muziek
bewarkTrio MaJaFra zung vuural nommers op de wieze van bekeande nommers oet de Top 50. Zo wör bievuurbeeld de grote wearldhit Feeling Hot Hot Hot van The Ataris umme deupt noar Ik heb zo'n dös dös dös; de Duutse schlagerknaller Ein festival der Liebe van Jürgen Marcus wör Ne teante vol met wieve; en Volare en Baila Me van de Gypsy Kings wördn Één Glaasje en Oh wat kiek iej op de ceante.
Toch maakn ze ook wal eegne muziek. t Nommer Dat kan allene mear in Eanter is in Eanter en op geheame zeanders nog aait slim populear. De tekste warn vuural makkelik en gungn meestal oawer beer dreenkn, feest viern of in t kafee zitn.
Plaatnriege
bewark- Wat n gat! (1992)