Ulsen
Ulsen (Duuts: Uelsen) is ne gemeante in de Groafschop Beantem in de Duutse deelstaat Nedersaksn. Ut lig um en noabiej dertig kilometer ten noordn van Eanske in t westn van Nedersaksn an de greanze met Nederlaand. De gemeante maakt ok deel oet van de Samtgemeinde Uelsen.
De gemeante Ulsen besteet oet de buurtn Ulsen, Bauerhausen, Lemke, Höcklenkamp en Waterfall. De gemeante hef ne öppervlakte van 19,46 km² en har op 30 juni 2005 5211 inwonners.
Geschiedenis
bewarkIn 1131 ontvung Ulsen ne oorkonde van n bisschop van Uutrech. Dootieds heurn t doarp biej Tweante, dat in dee tiedn biej t Duutse riek heurn. Umtieds 1300 stun in Ulsen t kasteel van de groavn Ten Toorn (of von Thurn). De oaverbliefseln van dit kasteel wördn in de 19e eeuw broekt vuur ne jödnkearke. In 1312 gung t bezit van Ulsen oaver op de Groafschop Beantem.
In de 19e eeuw gung t inwonnerantal van Ulsen daal van 1200 noar 806 duurdat de leu vorttrökn noar plässe as Nordhoorn en Schüttrupp um doar in de tekstielindustrie te goan wearkn. Een paar inwonners trökn ok noar Nederland en de Verenigde Stoatn.
In 2006 viern t doarp zien 875-jöarige bestoan.