Utrechtse Heuvelrug (gemeente)

Utrechtse Heuvelrug is n gemeente in t zuudoosten van de Nederlangdse provinsie Utrecht die veur n groot deel uut de gelieknamige heuvelrug bestaot. De gemeente is vanof 1 jannewaori 2006 ontstaon deur t samengaon van de veurmaolige gemeenten Amerongen (m.o.v. Elst), Doorn, Dreebargen-Riesenburg, Leersum en Maorn. Op 1 juli 2006 had de gemeente 48.989 inwonners (bron: CBS).

Gemaente Utrechtse Heuvelrug
(Vlagge van Utrechtse Heuvelrug)	(Waopen van Utrechtse Heuvelrug)
Lokatie van de gemeante Utrechtse Heuvelrug
Informasie
Proveensie	Utrecht
Heufdplaatse	Doorn
Geografie en bevolking
Öppervlakte  - Laand  - Water	134,09 km² 132,24 km² 1,85 km²
Inwonners Bevolkingsdichtheid	47.940 (1 mei 2013) 363 inw./km²
Koordinaten	52° 2′ N, 5° 21′ O
Aoverig
Belangrieke verkeersaoders	A12, N225, N226, N227, N229
Netnummer	0343
Postkode	3941, 3951, 3953, 3956, 3958, 3959, 3971, 3972
Offisiële webstie www.gemeenteutrechtseheuvelrug.nl

Kernen

De gemeente Utrechtse Heuvelrug het 7 darpen, waorvan Dreebargen-Riesenburg t grootste is. t Gemeentehuus staot in Doorn.

Darpen

Antal inwonners per darp op 1 jannewaori 2008:

Driebergen-Rijsenburg	18.490
Doorn	10.052
Leersum	7.575
Amerongen	5.516
Maarn	4.651
Oaverbarg	1.367
Meersbargen	1.325

Bron: CBS

Buurtsjappen

Naost disse daarpen het de gemeente de volgende buurtsjapen en angdere woenplaotsen:
Boswiek, Breedeveen, Beersjoten, Darthuze, Dreebargen, Dwarswegge, De Groep, De Haor, Haagje, Haspel, Palmstad, Riesenburg, Starkenburg, en Valkenheed.

Ontstaonsgesjiedenis

Op 20 april 2004 hen Gedeputeerde Staoten (GS) van Utrecht n herindelingsontwaarp Heuvelrug uutebrocht. Daorin wier veuresteld Maorn, Amerongen, Leersum, Doorn en Dreebargen-Riesenburg (MALDD) samen te doen. Dat plan kongden minsen van 10 mei 2004 tot 5 juli 2004 bekieken; veur de gemeenten die betrökken waren bie de herindeling leep de termien tot 1 september 2004. Toe t plan bekeken kon worren bin der in totaol 16 zienswiezen in-ediend. Amerongen, Maorn, Doorn en Dreebargen-Riesenburg stemden in mit t samengaon. Daornaost hen Renswou, Wombaarg en Rhenen t ontwaarp positief ontvangen. Leersum sprak zich, op grongd van eigen ongderzeuk en n opiniepeiling ongder de stemgerechtigde inwoeners, uut veur n angdere herindelingsvorm waorbie Leersum, Amerongen en Wiek bie Duurstede samen n gemeente zouwen vormen. Dat veurstel het t bie de angdere beoogde samnewaarkenden niet ehaald. GS meenden dat der genoeg draagvlak was veur n voortzetting van de waarkwieze.

Op 10 november 2004 wier bekendemaakt dat t gemeentehuus van de nieuwe gemeente meugelik in Doorn zou kommen. Begin 2006 het de gemeenteraod van de nieuwe gemeente dit veurnemen bevestigd en eind 2006 veur wat betreft t bestuurlik apparaot en de gemeentewinkel uutevoerd. Ok t ambtelik apparaot zou in de loop der tied naor Doorn gaon.

Provinsiale Staoten hen op 9 desember 2004 t ontwarpadvies van Gedeputeerde Staoten veur de vorming van n nieuwe gemeente Heuvelrug overeneumen. Dat advies hen ze deurestuurd naor de minister van Binnenlangdse Zaken en Koninkrieksrelasies, die n wetsveurstel bie de Tweede Kamer in-ediend het. In t veurjaor van 2005 het de Tweede Kamer t veurstel behangdeld en uuteindelik is t op 16 juni 2005 bie algemene stemming an-eneumen.

t Verangderde wetsveurstel is daornao naor de Eerste Kamer estuurd, die op 13 september 2005 de uuteindelike beslissing eneumen hen. In november 2005 waren der verkiezingen veur de nieuwe gemeenteraod. Daormee was de herindeling per 1 jannewaori 2006 n feit.

Gallerie

• 
  Huus Doorn, in Doorn
• 
  Dreebargen, langdgoed
• 
  Amerongen, anzicht
• 
  Ridderhofstad Starkenburg

Provinsie Utrecht
Gemeenten: Amersfoort · Baoren · Bunnik · Bunsjoten · De Bilt · De Rongde Venen · Eemnes · Houten · Iesselstein · Leusden · Lopik · Montfoort · Ni-jegein · Oldewater · Renswou · Rhenen · Soest · Stichtse Vecht · Utrecht · Utrechtse Heuvelrug · t Veen · Viefhearenlaanden · Wiek bi-j Duurstee · Woerden · Wombaarg · Zeist

Dit artikel is eskreaven in et westveluwske dialekt van Spaokenburg, in de Algemene Nedersaksiese Schriefwieze.