Volkspartij voor Vrijheid en Democratie

De Volkspartij voor Vrijheid en Democratie (in t plat: Volksparti'je veur Vri'jheid en Demokraatsie, of-ekort: VVD) is ne konservatief-liberale politieke parti'je in Nederlaand. De VVD wörd vake ezene as ne ekonomies-liberale parti'j aanders as de progressief-liberale Democraten 66 (D66) waor ze met samengeet in ne liberale fraksie in t Europees Parlement. Naodat t kabinet-Balkenende IV evormd wordden, was de VVD de op één nao grootste opposietsieparti'je in den Tweeden Kamer. Bi'j de Tweeden Kamerverkiezingen van 2010 kraeg de VVD de meeste stemmen, en daormet 31 van de 150 zettels. De VVD zit op t moment in ne demissionaire sentrum-rechtse minderheidskoalietsie met t Christen-Democratisch Appèl (CDA), t kabinet-Rutte, dee tot 21 april 2012 deur de Partij voor de Vrijheid (PVV) ondersteund (gedoogd) wordden um ne parlementaere meerderheid te verkriegen. Mark Rutte is den parti'janvoerder van de VVD sund 31 mei 2006.

De VVD wil gin geld oetgevven (staandpunt 2012) um nen heugeren staotus van t Nedersaksies in t Europees Handvest van minderheidspraoken te kriegen.

Dit artikel is eskreaven in et achterhooksk, in de Algemene Nedersaksiese Schriefwieze.