Voorstonden

(döärstüürd vanaf "Veurstonden")

Voorstonden is n buurtschap in de gemeente Brummen. t Ligt tussen t darp Oeken en de buurtschap Tonden. t Had in 2010 rond de 110 inwoners.[1]. De buurtschap besteet veural uut boerderiejen rond de sentrale Windheuvelstraote.[2] An de Windheuvelstraote zit ok verschillende bedrieven, zo as de 150 jaor bestaonde boomkwekerieje Wilgenhof, dat ooit behalve n bongerd ok n kafee was. In dit kafee is de voetbalklub van Oeken op-ericht.

Boerderieje an de Voorstondensestraote

In Voorstonden he'j ok t kasteel Huus Voorstonden. t Stamt uut de middeleeuwen mar is sinds die tied grondig verbouwd. Bie t Huus heurt n park dat ontwörpen is deur Jan David Zocher. De zudelike tuin is kortens herin-ericht naor n vrog-twintigste-eeuws ontwarp van Leonard Springer. Op t landgoed he'j ok de dikste mammoetboom van Nederland. Disse boom wier in 1865 eplant en hef n umtrek van 8,3 meter[3].

Referensies bewark

  1. CBS
  2. Voorstonden op de offisiële webstee van de gemeente Brummen
  3. Mammoetbomen op t landgoed Voorstonden


  Dit artikel is eskreaven in et oustveluwske dialekt van Brummen, in de Algemene Nedersaksiese Schriefwieze.