Eerbeek, straotzicht Stuijvenburchstraote
t Apeldoorns Kanaal vanof de Eerbeeksebrugge

Eerbeek is de grootste kern van de gemeente Brummen, in de Nederlandse provinsie Gelderland. t Had an t veurst van 2008 zo'n 10.161 inwoners.[1] Vrogger was de plaatse Brummen zelf de grootste kern.

GeschiedenisseBewarken

Al in 1046 wörd Eerbeek eneumd, al was t toe nog as Erbeke. Dit was oorspronkelik de name van de baeke die noe de Eerbeekse Baeke heet. De betekenisse is niet helemaole dudelik. Waorschienlik kömp "er" van "erd", wat zol kunnen duden op eerde, klei, leem of bouwgrond. "Beek" is t zelfde woord as t moderne baeke. Later is de name veur de baeke de name van t darp eworden.[2] Rond 1663 steet de name van t darp as Eertbeeck op de kaarte, en heet de baeke de Eertbeeckse baeke.[3].

BedrievigheidBewarken

Eerbeek hef veural bekendheid ekregen deur de papierindustrie. In de 17e eeuw wieden papiermölles ebouwd, veur de kloosters in Arnem die papier neudig hadden veur heur leerlingen. De geschiedenisse van de Eerbeekse papierindustrie geet terugge naor 1650. In dat jaor introduseerden Vincent Schoonman t ambacht van papierschupper. t Schone water van veural de Eerbeekse baeke was hierbie van belang. Tegenswoordig zitten der in Eerbeek verschillende papier- en kartonverwarkingsbedrieven. Veural vanwegen de papierindustrie hef Eerbeek n Italiaanse, n Turkse en n Molukse gemeenschap.

De muuite weerd um te bekieken, verkeer en toerismeBewarken

In Eerbeek steet de enigste euliemölle mit n baovenslagrad van Nederland, bekend onder de name De Euliemölle. Dit rieksmonument is in 2007 helemaole op-eknapt.

Eerbeek had van 2 juli 1887 töt 1 augustus 1950 n spoorwegstasion an de spoorliende Dieren - Apeldoorne, Stasion Eerbeek. Tegenswoordig he'j hier n klein stasion van de Veluwsche Stoomtrein Maotschappieje. t Stasionsgebouw besteet nog, en is in gebruuk as woning. Eerbeek ligt niet wied van t Apeldoorns Kanaal of.

t Toerisme is in Eerbeek van grote ekonomiese petansie. t Darp trekt toeristen vanwegen de bosrieke umgeving: Eerbeek grenst an de Veluwezeum.

ReferensiesBewarken

  1. Informasie van http://www.brummen.nl/smartsite.shtml?ch=TER&id=51617
  2. Berkel, G. van & K Samplonius, Nederlandse plaatsnamen - herkomst en historie. Utrecht: Prisma, 2006.
  3. Atlas Oude en Nieuwe Gasthuis 1663

Uutgaonde verwiezingBewarken


  Dit artikel is eskreaven in et oustveluwske dialekt van Brummen, in de Algemene Nedersaksiese Schriefwieze.