Waal (revier)

Den Waal is ne Nederlaandse reviere. Et is den grootsten arm van den Rien, den zich ter heugte van Pannerden splitst in et Pannerdensch Kanaal noar rechts en den Waal noar links. Et Pannerdens kanaal splitst zich wier bi-j Westervoort noar rechts of as den Iessel en noar links as den Nederrien. Den Nederrien is veurzeen van stuwen, zodat bi-j laege waterstaanden et water deur den Iessel en Waal kan wödden of-evuurd. Veurbi-j Wiek bi-j Duurstede heet dizze riviere den Lek. Den Waal is veruut de waterriekste reviertak en ok den veurnoamsten veur de skeepvoart.

Den Waal geet vanof de vröggere soamenvleujing mit den Maas bi-j Woudrichem (vandage bekand as ofgedamden Maas) oaver in den Merwede en streumt doarnoa deur verkillende weage noar de Noordzee; et meeste water streumt deur den Noord, den Ni-jen Maas en den Ni-jen Waterweg.

Den Waal wödt mit den Nederrien en Amsterdam verbonden deur et Amsterdam-Rienkanaal (bi-j Tiel) en mit den Maas deur et Maas-Waalkanaal (bi-j Nimwaege) en et Kanaal van Sint Andries. Op dat leste punt streumt den Waal en Maas op nen ofstaand van 1,9 km langs mekare hen.

Steaden an den Waal

De grootsten stad an den Waal is Nimwaege. Howal de stad op den linkerover ligt, strekt de gemeente zich sinds joaren ok uut oaver den rechterover, woarmet dizze gemeente as enige op beide overs ligt. De uutbreiding van Nimwaege noar den rechterover heet den Waalsprong.

Andere grotere plaetse bunt Tiel (rechts) en Zaltbommel (links). Den Waal scheidt de Betuwe op den rechterover van op riege et Riek van Nimwaege, et Land van Maas en Waal en de Bommelerwerd op den linkerover.

Aandere revieren

Den name de Waal wödt ok wal bruukt veur n old stuksken revierarm tussen deur et Zuud-Hollaandse eilaand Iesselmonde. Dizzen revierarm steet ok bekend under den name et Waaltje.