Websteade

En websteade is en versameling van websyden mid teksten, afbealdingen of videos dee up eyne of meyrdere webservers behüsed wördt, en beskikbår is up et internet.

De websyden van en websteade binnen meystentyds eskreaven in HTML, dårnåst wördt der ouk vake gebrüükemaked van CSS en skriptspråken as JavaScript. En websteade wördt altyd bekeaken vanüüt en webkyker, dit is en programma of topassinge wår websteaden vanaf te bekyken binnen.

Gewoanlik begint en websteade mid en startsyde van wår üüt der döäreklikked kan wörden. Up de startsyde steyt meystentyds samenevatted wat der up de websteade te vinden is.

De meyste websteaden hebben en eigen domainname. Wikipedia hevt byvöärbeald ‘wikipedia.org’ as domainname, mid dårvöär en subdomain, sou hevt de neadersassiske Wikipedia nds-nl as subdomain.

Dit artikel is eskreaven in et westveluwsk, in de Nysassiske Skryvwyse.