Weesp

Weesp is ne vestenstad en veurmaolige gemeente in de Nederlandse previnsie Noord-Hollaand en hef ne oppervlaakte van 21,88 km² (woarvan 1,21 km² water). Weesp hef nen steadenbaand mit Svitavy in Tsjechië.

Gemaente Weesp
(Vlagge van Weesp)	(Waopen van Weesp)
Lokatie van de gemeante Weesp
Informasie
Proveensie	Noord-Holland
Heufdplaatse	Weesp
Geografie en bevolking
Öppervlakte  - Laand  - Water	21,88 km² 20,67 km² 1,21 km²
Inwonners Bevolkingsdichtheid	17.533 (1 juli 2006) 848 inw./km²
Koordinaten	52° 31′ N, 5° 3′ O
Aoverig
Belangrieke verkeersaoders	A1, N236, Spoorliene Weesp-Lelystad
Netnummer	0294
Postkode	1380-1383
Offisiële webstie www.weesp.nl

Op 24 meert 2022 is Weesp op-egaon in de gemeente Amsterdam.

Geskiednis

Op 20 mei 1355 verleenden Hertog Willem V van Holland stadsrechten an Weesp. De stad kreg doordeur n bestuur, rechtsproake en ok wierd et poortrecht edoane, dat neudeg was veur de bewonners dee een eigen beroop of bedrief wollen uutvoeren. Deur et geaven van dizze stadsrechten en uutbreidingen deur Albrecht van Beieren en Karel V, wierd Weesp ne rieke stad. In et joar 2005 wierd noa et 650-jarig bestoan van de verkreggen stadsrechten, et heile joar deur een groot feeste eholden.

Bezeensweerdeg

Weesp ligt an de rivieren de Vecht en Smal Weesp en an 't Amsterdam-Rienkanaal. Doar is ne historiese binnenstad mit een stadhoes/gemeentemuseum (ebouwd 1772-1776 deur Jacob Otten Husly, de verzameling besteet o.a. uut Weesper porselein).

Weesp is ne vestenstad met waln, bastions en twee forten, et toornfort Ossenmarkte en Fort Uitermeer, dee dele waren van de Hollandse Waterliene en de Stelling van Amsterdam. Ten oosten ligt Fort bi-j Hinderdam en ten noorden Muden.

In Weesp hebt sinds olde tieden veul möllens estoan, dee noe vort bunt, op dree noa.("de Vriendschap" "de Eendracht" en "'t Haantje").

Aandere darpen

De Horn en Uitermeer.

Fusie gemeenten

Den gemeenteroad van Weesp hef den wöns uutesprokken om samen te goan mit de gemeenten Bussum, Muden en Naarden. Gemeente Bussum zöt meer in een samengoan mit alleneg de gemeente Naarden. Een samengoan van Weesp en Muden is ok meugelek. Uutendelik is de gemeente op 24 meert 2022 bie Amsterdam etrökken.

Wettensweerdegheden

Nen (geboorn) Weesper wöd ok wal nen Weesper mop eneumd; verneumd noar et plaetseleke amandelkeuksken.

Uutgoande verwiezingen

• Gemeentestea
• VVV Weesp

Galleri-je

• 
  Markte van Weesp
• 
  Weesper karstmarkte
• 
  Stadhoes