Wespe

Tot de wespen of wepsen wonnen alle insekken erekend uut de orde Hymenoptera en onderorde Apocrita, dee gién biejen, hommels of eemten bin. Oek zaagwespen wonnen as amparte groep ezien naos alle aandere wespen umdat ze een totaal aandere verrichtingsleer hem. Wespen vormen dus gien eigen groep zoas een orde of een femilie. Ze bin een onderdeel van de biej-achtigen, en de twee superfemilies waortoe alle wespen beheuren, umvatten oek de eemten, dee nauw an de wespen verwant bin. De verwantschappen binnen de Hymenoptera bin soms iezig meuilijk te volgen, een veurbeeld is 't feit dat alle biejen uut een femilie van graofwespen bin ontstaon.

Der bin veule verschillende soorten wespen: pepierwespen speulen een rolle bie de bestuving van bloemen en 't verdelgen van insekken; sluupwespen bie de biologische bestriejing van plaaginsekken en galwespen zurgen veur meestentieds bolvormige vergreuiingen an blaojen.