West-Duutslaand

West-Duutslaand of Bondsrepubliek Duutslaand (Duuts: Bundes Republiek Deutschland; BRD) was n republiek dij beston oet de 10 westelkste dailstoaten van t tegenswoordege Duutslaand en t westelke dail van de stad Berlien. t Het bestoan van 1949 tot 1990, dou t soamenvougd wuir mit Oost-Duutslaand (DDR). De heufdstad van de BRD was Bonn

Ontstoan

Noa de Twijde Wereldoorlog wuiren Duutslaand en de stad Berlien verdaild in vaaier zônes. n Franse zône, n Britse Zône, n Amerikoanse zône en n Russische zône. De Russische zône was kommunistisch en gong dus nait goud soamen mit de kapitoalistische zônes van Frankriek, Engelaand en de USA.

Stalin wol n hail Oostblok vörmen van kommunistische landen. Hierbie kon hai t nait broeken om de Russische zône van Duutslaand gewoon bie de rest van t kapitoalistische laand te lôten en verkloarde in 1949 Oost-Duutslaand onôfhankelk.

Drij moanden veur de ofschaaiden van de DDR, wuiren de westelke zônes soamenvougd en wuiren in 1955 n offisjeel laand.

Noa de vaal van de Berliense muur in 1990 wuir Oost-Duutslaand bie West-Duutslaand vougd en gongen wieder onder dezölfde noam, Bondsrepubliek Duutslaand.