Ne weule of ne vroot (Talpa Europaea) is n zoogdeer det oonder de groond leawt, oet de weulnfemilie (Talpidae)

Weule
Skelet

Ne weule is ongevear 11 töt 16 cm laank en weg tusken de 30 en 130 gram, en t mennken is iets grötter as t wiefken. Hee hef nen kortn vacht den at in ne aparte richting gröait woerduur at'e gin möaite hef met t vuuroet of achteroet duur de gänge te kroepn. Bie aandere zoogdeers gröait de höare aait noar achtern, mear ne weule kan de hoaranzettige kaanteln, woerduur at'e gin wearstaand hef at'e achterwearts geet.

De weule hef grote greafhaande met veer vingers en n duumken, woermet'e makkelik greawn kan. Hee kan töt ne deepte van 120 cm goan, mear meesttieds blif'e kort oonder t oppervlak, wat de geleardn de jaaggänge of weulritn neumt. Hee hef kleaine eugkes van ongevear nen millimeter duursnee, woermet'e neet völle zut. Zin belangriekste zintuug is zinnen langn spitsn snoetn, den at geveulige snorhöare en tastzinnoewn hef.

Behalve in de paartied leawt ne weule aait allene. Omdet öar leafgebeed oawerlapn kan, gebroekt ze rökn en geluud um met mekoar te kommuniseern.

Neersassies bewark

  Commons: Weule - plaatjes, filmkes en/of gelüüdsbestanden.