Wikiwoordebook
Wikiwoordebook (of: Wiktionary) is en projekt van de Wikimedia-stichtinge dat as dool hevt et kreeren van en vry togangelik, meyrspråkig woordebook.
De oaverkupelende name van et projekt, Wiktionary, is en mengwoord van wiki en dictionary (woordebook). De neadersassiske versy hit Wikiwoordebook / Wikiwöör(de)book en is en mandeylig projekt van alle neadersassiske dialekten, souwel van neaderlandske as de düütske kante van de pål. Et vöärblad is eskreaven in de Nysassiske Skryvwyse üm underlinge verstånbårheid te vergrouten. Neadersassiske lemmas maggen ouk andere bekende skryvwysen gebrüken.
Globale upset
bewarkEt projekt verstrekt informaty oaver språkkündige eigenskappen (as skryvwyse en eventuele spellingsvarianten, etymologiske herkumst vöär souveare as dat bekend is, verkleinde vormen, meyrvold en afleidingen) mär ouk oaversettingen in andere språken.
In principe kummen in elk Wikiwoordebook sou vöäle möägelik woorden üüt sou vöäle möägelijk verskillende språken te stån. En vereiskde vöär upnåme is dat et woord al eynige tyd in gebrüük is en in en antal unafhangelike bronnen weader te vinden is. Neologismen binnen düs neet de bedolinge. Minder good edokumenteerde språken künnen lykewels in erekonstrueerde form noch vasteleagd wörden.
As en seakere woordform in meyrdere språken etselvde eskreaven wördt, kummen al disse woorden up deselvde syde te stån, wårby et woord in elke språke en eigen upskrivt krigt. Of der en etymologisk verband is (byvöärbeald döär untleyning), maakt dan neet üüt. Et kan weasen dat de woorden neet verwand binnen mär tovallig deselvde skryvwyse hebben. Wel wördt etymologiske informaty wår möägelik der altyd by anegeaven.
Geskydenisse
bewarkDe engelske Wikiwoordebook (Wiktionary) begün up 12 december 2002. Der sit en amparte tesaurus by, Wikisaurus enöömd, en en ampart woordebook vöär Basic English (vereynvoldigd engelsk).
Sinds 1 mei 2004 binnen der ouk andersspråkige Wikiwoordeboken begünnen. De eyrste andersspråkige versys waren in et fransk en poolsk. In mei 2009 waren der in totaal meyr as 5 miljoon lemmas in 272 verschillende språken. De engelsspråkige Wikiwoordebook had in mei 2021 meyr 6.650.000 lemmas, de neadersassiske versy meyr as 9.000.
Vöäle lemmas binnen mid en bot maked dee lemmas üüt andere woordeboken importeert. De franske en vietnameeske versys importeerden groute deylen van et Free Vietnamese Dictionary Project. De franske versy groide in 2006 mirakels vlugge wat vöär en grout deyl te danken was an bots dee üüt vrye woordeboken sou as de Dictionnaire de l'Académie française importeerden.
Üütgånde verwysingen
bewark
|
Dit artikel is eskreaven in et westveluwsk, in de Nysassiske Skryvwyse. |