Willie Oosterhuis
Willie Oosterhuis, ok bekend as Willie Oosterhuus, (1955) is een Sallaanse prissentator bi'j de Oaveriesselse omroep RTV Oost. Op TV Oost hef e 't live uutezunden meziekpregramma Regiotap. Hi'j is bekend um zien aparte verschiening, kurendrieveri'je en directe interviewstiel.
Vrogger har e een bedriefien in reclameperducten, daornao was e markkoopman. Toe as e de kaans kreeg um een kwakkelnde discotheek oaver te nimmen, perbeerden hi'j die populair te maken mit bekende muzikaanten, mar 't bedrief gung feliet. Oosterhuis zat in zak en as, mar toe hef e 't lèvensmotto 'Loat goan' an-eneumen.[1] Dit motto brengt e ok mit merchandise an de man.
Oosterhuis zien breur warkten bi'j RTV Oost, en Willie kreeg daor een column in een pregramma. In Regiotap treedt zowal regionaole as laandelijke artiesten op en komt verscheiden meziekstromings an bod.
Op 14 juli 2009 kreeg e nao 't hardlopen een hartanval.[2]