Zeezwaoluw

Zeezwaoluwen of sterns (Sternidae) bin een femilie van zeevoegels dee verwant bin an meeuwen en sjeerbekken, dee op heur beurt verwant bin an jaogers en alken. Zeezwaoluwen kommen over de hele wereld veur.

Biologie en gedrag

Veul zeezwaoluwen dee breujen in gemaotigde klimaoten bin langeofstangdstrekkers. Sommige soorten leggen hierbie hele lange ofstangden of, zo ziet de noordse stern wersjienlijk meer daglicht as welk wezen dan ok, disse soort breujt naomelijk in 't hoge noorden en in de overwingteringsgebieden rond Antarctica. Een noordse stern dee as kuken eringd was op de Farne-eilangden an de kust van Northumberland in 't oosten van Groot-Brittannië in de zoemer van 1982, wist Melbourne in Australië te bereiken in oktober 1982. De voegel had daormee een reis van 2.2000 kilemeter emaokt, dree maonden naodat ie uut-evleugen was. De gemiddelde snelheid lag boven de 240 kilemeter per dag en 't was een van de langste vast-eleide ofstangden dee een voegel ooit evleugen had.

Zeezwaoluwen bin middelgrote voegels, meestal met een gries of wit verenkleed en vaok met een deels zwarte kop. Ze hen aorig lange snaovels en poten met zwemvliezen. Ze bin lichter ebouwd as meeuwen en as ze vliegen zien ze der eleganter uut met een lange start en lange vleugels.

De meeste zeezwaoluwen jaogen op vis deur te duken. Vaok bidden ze derbie eerst boven 't waoteroppervlak um der prooi te vingden, maor moerassterns uut 't geslacht Chlidonias pakken insecten vanof 't oppervlak van zeutwater. Zeezwaoluwen zweven haost nooit, maor een paor soorten (veural de bonte stern) zweven vaok hoog boven zee. Hoewel zeezwaoluwen zwemvliezen hen, zwemmen ze niet vaok, alleen as ze der eigen moeten wassen.

Zeezwaoluwen breujen in grote kelonies, dee drung op mekaor zitten. Ofhankelijk van de soort en de habitat kunnen de nesten bestaon uut kuultsies in de grongd, rommelige verzaomelingen stokkies in bomen of drievende vegetasie. Zeezwaoluwen leven over 't algemeen aorig lang, zoas de meeste zeevoegels, van versjeiene soorten is bekend dat ze meer as 25 tot 30 jaor oud kunnen worren.

Classificasie en soortenliest

De volgende liest is ebaseerd op mtDNA-studies en de recensie van Bridge et al. (2005).

Geslacht: Anous
- Witkapnoddy (Anous minutus)
- Noddy (Anous stolidus)
- Kleine noddy (Anous tenuirostris)
Geslacht: Procelsterna
- Grieze noddy (Procelsterna cerulea)
Geslacht: Gygis
- Opaalstern of Witte stern (Gygis alba)
Geslacht: Onychoprion
- Aleoetenstern (Onychoprion aleuticus)
- Brilstern (Onychoprion anaethetus)
- Bonte stern (Onychoprion fuscatus)
- Fiji-stern (Onychoprion lunatus)
Geslacht: Sternula
- Dwaargstern (Sternula albifrons)
- Amerikaanse dwaargstern (Sternula antillarum)
- Damarastern (Sternula balaenarum)
- Humboldtstern (Sternula lorata)
- Elfenstern (Sternula nereis)
- Saunders dwaargstern (Sternula saundersi)
- Amazone-stern (Sternula superciliaris)
Geslacht: Phaetusa
- Grootsnaovelstern (Phaetusa simplex)
Geslacht: Hydroprogne
- Reuzenstern (Hydroprogne caspia)
Geslacht: Gelochelidon
- Lachstern (Gelochelidon nilotica)
Geslacht: Larosterna
- Incastern (Larosterna inca)
Geslacht: Chlidonias
- Nieuw-Zeelangdse stern (Chlidonias albostriatus) (ex-Sterna albostriata)
- Witwangstern (Chlidonias hybrida)
- Witvleugelstern (Chlidonias leucopterus)
- Zwarte stern (Chlidonias niger)
Geslacht: Thalasseus
- Bengaalse stern (Thalasseus bengalensis)
- Chinese kuifstern (Thalasseus bernsteini)
- Grote kuufstern (Thalasseus bergii)
- Californische kuufstern (Thalasseus elegans)
- Koningsstern (Thalasseus maximus)
- Grote stern (Thalasseus sandvicensis)
Geslacht: Sterna
- Zwartbuukstern (Sterna acuticauda) (wellicht Chlidonias)
- Revierstern (Sterna aurantia)
- Dougalls stern (Sterna dougallii)
- Forsters stern (Sterna forsteri)
- Zuud-Amerikaanse visdief (Sterna hirundinacea)
- Visdief (Sterna hirundo)
- Noordse stern (Sterna paradisaea)
- Arabische stern (Sterna repressa) (wellicht Chlidonias)
- Tara-stern (Sterna striata)
- Zwartnekstern (Sterna sumatrana)
- Trudeaus stern (Sterna trudeaui)
- Kerguelenstern (Sterna virgata)
- Zuudpoolstern (Sterna vittata)

Uutstalling

Arctische zeezwaoluw.
Aorig wat zeezwaoluwen bie mekaor.
Een breujende zeezwaoluw.
Zeezwaoluw, Californië, Amerika

Uutgaonde verwiezingen

Video's van zeezwaoluwen

Disse pagina is esjreven in 't Bunsjoots