Zeuventien Previnsien
De Zeuventien Previnsien is ne beneuming veur et geheel van vörstendommen dat in de löppe van de 14de tot 16de eeuwe in hende kwam van de Bourgondiese hartoagen as de laanden van herweerts oaver.
Vörstendommen
bewarkEt was et kerngebeed van den Bourgondiërs noa et verlees van de arflaanden in 1477 under Karel den Stouten, in dizzen zaak et hartogdom Bourgondië zelf.
Under Karel V van et Heilige Roomse Riek wodden et merendeel an vörstendommen vereanegd in ne personele unie, dat wil zeggen dat hi-j telkens hartog, graaf of heer was in de previnsie.
- 1. Groafschap Artesië
- 2. Groafschap Vloanderen
- 3. Kasselri-jen Riesel, Dowaai en Orchies (mangs Riesels-Vloanderen eneumd)
- 4. Doornik en et Doorniksen
- 5. Heerlekheid Mechelen
- 6. Groafschap Namen
- 7. Groafschap Henegouwen
- 8. Groafschap Zeelaand
- 9. Groafschap Hollaand
- 10. Hartogdom Braobant en Markgroafschap Antwarpen
- 11. Hartogdom Limburg en de Laanden van Oavermaas
- 12. Hartogdom Luxemburg
- 13. Heerlekheid Utrecht
- 14. Heerlekheid Freeslaand
- 15. Hartogdom Gelre en Groafschap Zutfent
- 16. Heerlekheid Grunnen
- 17. Heerlekheid Oaveriessel (mit Drenthe, Lingen, Wedde en Westwoldingerlaand)
De hierboaven gevolgde riege hef gin vaststoanden inhold. Zeuventiene was op ne gegeaven tied et antal stoatenverteggenweurdigers bi-j de Stoaten-Generoal in Brussel en zie bunt dat getal blieven neumen. Moar de verteggenweurdegingen konden wal ens wesselen umdat ne bepoalde heerlekheid mangs ofhing van ne andere. Zo heurden Zutfent bi-j Gelre en Limburg bi-j Braobant. An de andere kante hadden et markiezoat Antwarpen, Doornik of Riesels-Vloanderen mangs nen eigen verteggenweurdiger.